Hestakastanía

Hestakastanía
	; Hestakastanía
Vísindaleg flokkun
Ríki:	Jurtaríki (Plantae);
(óraðað):	Angiosperms;
(óraðað)	Eudicots;
(óraðað)	Rosids;
Ættbálkur:	Sápuberjabálkur (Sapindales);
Ætt:	Hrossakastaníuætt (Sapindaceae);
Ættkvísl:	Aesculus;
Tegund:	A. hippocastanum;
Tvínefni
	Aesculus hippocastanum; L.

Hestakastanía eða hrossakastanía (fræðiheiti Aesculus hippocastanum) er stórt lauftré af hrossakastaníuætt. Það er upprunið í fjalllendi á Balkanskaga. Það er vinsælt götutré á Vesturlöndum.

Lýsing[breyta | breyta frumkóða]

Kjörlendi hestakastaníu er í sól, í skjóli og hlýjum stað þar sem tréð hefur nóg vaxtarrými. Tréð verður allt að 25 m hátt og allt að 25 m í þvermál í heimkynnum sínum. Krónan útbreidd og hvelfd. Smálauf eru saman 5 - 7 talsins og allt að 25 sm löng. Aldin eru hnöttótt og allt 6 sm í þvermál.^[1]

Á Íslandi[breyta | breyta frumkóða]

Hestakastaníu má finna meðal annars í trjásöfnunum í Hellisgerði, Lystigarði Akureyrar og Grasagarði Reykjavíkur. Einnig eru til stálpuð eintök í eldri hluta Reykjavíkur og í Hveragerði. Hún hefur náð um 10 metra hæð. Það telst til tíðinda þegar hrossakastanía blómstrar á Íslandi enda þarf hún til þess hlý sumur. ^[2]