Bólivía

Fjölþjóðaríkið Bólivía
Estado Plurinacional de Bolivia (spænska) Buliwya Mamallaqta ([[]]) Wuliwya Suyu ([[]]) Tetã Volívia ([[]])
Fáni	Skjaldarmerki
Kjörorð: ¡La unión es la fuerza! (spænska) Samheldni er styrkur!
Þjóðsöngur: Bolivianos, el hado propicio
Höfuðborg	Súkre (löggjafavald og dómsvald) La Paz (aðsetur stjórnar)
Opinbert tungumál	spænska, quechua, aymara og guaraní, ásamt 33 öðrum frumbyggjamálum
Stjórnarfar	lýðveldi
forseti	Evo Morales
Flatarmál  - Samtals  - Vatn (%)	27. sæti 1.098.581 km² 1,29
Mannfjöldi  - Samtals (2014)  - Þéttleiki byggðar	86. sæti 10.631.486 10/km²
VLF (KMJ) - Samtals - á mann	áætl. 2005 25.892 millj. dala (103. sæti) 3.049 dalir (126. sæti)
Gjaldmiðill	Bólivíani (BOB)
Tímabelti	UTC-4
Þjóðarlén	.bo
Landsnúmer	591

Uyuni

Bólivía er landlukt land í Suður-Ameríku og á landamæri að Brasilíu í norðri og austri, Paragvæ og Argentínu í suðri, og Síle og Perú í vestri. Landið var hluti af veldi Inka þar til Spánverjar lögðu það undir sig 1525. Eftir það var Bólivía kölluð Efra-Perú og heyrði undir spænska landstjórann í Líma þar til landið lýsti yfir sjálfstæði 1809. En árið 1825 var lýðveldið Bólivía stofnað það heitir í höfuðið á Símoni Bólívar.

Bólivía framleiðir um 80% af heimsframleiðslu brasilíuhnetna.

Saga Bólivíu

Vatnsstríðin í Cochabamba

Cochabamba mótmælin árið 2000, einnig þekkt sem vatnsstríðin í Cochabamba, var röð mótmæla sem áttu sér stað í Cochabamba, þriðju stærstu borg Bólivíu, frá desember 1999 til apríl 2000 til að bregðast við því að fyrirtækinu Semapa höfðu með einkavæðingu verið færð yfirráð yfir vatnsveitu borgarinnar. Svo ákváðu stjórnvöld að gefa einkaaðilum einkarétt á vatnsbólum og læstu brunnum í þorpunum svo fólk kæmist ekki í þá. Erlend fjárfestingarfélög höfðu beitt miklum þrýstingi til að fá að hækka vatnsverð vegna framkvæmda sem þau höfðu ráðist í við byggingu á stíflum. Þetta varð til þess að upp gaus mikil reiði á meðal almennings sem fékk ekki nóg vatn. Þegar þetta gerðist lýsti ríkisstjórn Bólivíu yfir herlögum og handtók og lét drepa nokkra mótmælendur. Einnig var lokað fyrir útsendingar útvarpsstöðva. Það voru aðallega Coordinadora-samtökin sem skipulögðu mótmælin til að verja aðgang fólks að vatni. Tugþúsundir manna börðust við lögreglu og eftir nokkurn tíma og mikinn þrýsting frá borgurunum var einkavæðing vatnsréttindanna tekin aftur þann 10. apríl árið 2000 þegar stjórnvöld komust að samkomulagi við Coordinadora.

  Þessi landafræðigrein er stubbur. Þú getur hjálpað til með því að bæta við greinina.