Þessar bæjarstjórnarkosningar á Akureyri fóru fram 31. maí. Kvennaframboðið frá 1982 var ekki með núna. A-flokkarnir bættu við sig töluverðu fylgi en Alþýðuflokkurinn myndaði meirihluta með Sjálfstæðisflokki. Sigfús Jónsson var ráðinn bæjarstjóri.[1]
Á kjörskrá voru 8792.
Samtals voru greidd 7469 atkvæði. Auðir og ógildir seðlar voru 142.
Þessar bæjarstjórnarkosningar í Hafnarfirði fóru fram 31. maí.[2]
Að þessum kosningum loknum hófu Alþýðuflokkurinn og Alþýðubandalagið meirihlutasamstarf.
Á fyrsta fundi nýkjörinnar bæjarstjórnar þann 16. júní var Guðmundur Árni Stefánsson ráðinn bæjarstjóri. Jóna Ósk Guðjónsdóttir var kosin forseti bæjarstjórnar og varð hún þar með fyrsta konan til að gegna því embætti.[3]
Þessar hreppsnefndarkosningar í Höfnum áttu að fara fram 31. maí. Aðeins einn listi kom fram, H-listi óháðra sem valinn var í prófkjöri og var hann sjálfkjörinn.[4]
Þessar bæjarstjórnarkosningar í Kópavogi fóru fram 31. maí. A-listi og G-listi héldu áfram samstarfi en nú án B-lista. Kristján H. Guðmundsson var endurkjörinn bæjarstjóri. Hulda Finnbogadóttir, dóttir Huldu Jakobsdóttur og Finnboga Rúts Valdimarssonar, náði kjöri sem bæjarfulltrúi Alþýðuflokksins.
