Iðnskólinn í Reykjavík
| Starfandi | 1904–2008 |
|---|---|
| Tegund | Ríkisskóli |
| Skólastjóri | Baldur Gíslason |
| Nemendur | 2148 (árið 2007) |
| Nemendafélag | SIR |
| Staðsetning | Skólavörðuholt |
Iðnskólinn í Reykjavík var elsti iðnmenntaskóli Reykjavíkur og var hann starfandi frá 1904–2008 þar til hann sameinaðist Fjöltækniskólanum og varð að Tækniskólanum.
Við hann stunduðu rúmlega 2050 manns nám, um 1550 í dagskóla og 400 í kvöldskóla og í fjarnámi árið 2007. Námsbrautir voru 21 á 7 sviðum: almennu sviði, byggingasviði, hönnunarsviði, rafiðnasviði, sérdeildasviði, tölvusviði og upplýsinga- og margmiðlunarsviði.
Skólinn starfaði eftir áfangakerfi. Námslok miðuðust við að nemendur hafi lokið tilskildum áföngum og einingafjölda eins og tilgreint var (eða 9 alls með undartekningum) í brautarlýsingum skólanámskrár. Skólaárinu var skipt í tvær annir, vorönn og haustönn.
Saga
[breyta | breyta frumkóða]Skólinn var stofnaður af Iðnaðarmannafélaginu í Reykjavík árið 1904, en félagið hafði starfrækt óformlegan skóla allt frá 1873. Fyrst var kennt í Vinaminni í Grjótaþorpinu, en árið 1906 var flutt í nýreist hús Iðnaðarmannafélagsins í Vonarstræti sem nú hýsir Tjarnarskóla. Skólastjóri á þessum upphafsárum skólans var Jón Þorláksson verkfræðingur.
Skólaárið 1929-30 hófst svo fyrst kennsla í dagskóla, en áður var kennt á Sunnudögum og um kvöld.
Árið 1955 flutti skólinn svo í ný húsakynni á Skólavörðuholti.
Í lok sjöunda áratugarins voru verknámsdeildirnar stofnaðar og verkleg kennsla færð inn í skólann.
1982 var tekið upp áfangakerfi og bóknám samræmt öðrum framhaldsskólum, fyrstu stúdentarnir frá Iðnskólanum voru svo útskrifaðir 1989. Árið 1986 þá var stofnað Tölvusvið en undir því er Tölvubraut.
Árið 2008 var ákveðið að sameina Iðnskólann og Fjöltækniskólann undir heitinu Tækniskólinn. Um leið var rekstur iðnskólans færður frá íslenska ríkinu til Rekstrarfélags Tækniskólans (áður Menntafélagið). Tækniskólinn rekur nú sjö skóla í húsnæði Iðnskólans á Skólavörðuholti: Hársnyrtiskólann, Tæknimenntaskólann, Endurmenntunarskólann, Raftækniskólann, Byggingatækniskólann, Hönnunar- og handverksskólann og Meistaraskólann
Námsframboð
[breyta | breyta frumkóða]Skólinn bauð upp á 23 brautir á 8 sviðum:
Almennt svið
[breyta | breyta frumkóða]- Almenn námsbraut
Byggingasvið
[breyta | breyta frumkóða]- Húsasmíðabraut
- Málarabraut
- Veggfóðrun
- Húsgagnasmíðabraut
- Múrsmíðabraut
Hönnunarsvið
[breyta | breyta frumkóða]- Hársnyrtibraut.
- Fataiðnbraut
- Listnámsbraut
- Gull- og silfursmíði
Rafiðnasvið
[breyta | breyta frumkóða]- Rafeindavirkjun
- Rafvélavirkjun
- Símsmíði
- Rafvirkjun
- Rafveituvirkjun
Sérdeildasvið
[breyta | breyta frumkóða]- Sérdeildir
- Nýbúabraut
Tölvusvið
[breyta | breyta frumkóða]- Tölvubraut
Upplýsinga- og margmiðlunarsvið
[breyta | breyta frumkóða]- Upplýsinga- og fjölmiðlabraut
- Tækniteiknun
- Margmiðlunarskólinn
Ljóstækni
[breyta | breyta frumkóða]- Lýsingarfræði
- Lýsingarhönnun
Þekktir nemendur
[breyta | breyta frumkóða]
Þessi listi er ekki tæmandi. Þú getur hjálpað til með því að bæta við hannAllnokkrir þekktir einstaklingar hafa stundað nám við Iðnskólann í Reykjavík.
Athafnarmenn
[breyta | breyta frumkóða]- Helgi Hóseasson, mótmælandi og smiður[1]
Stjórnmálamenn
[breyta | breyta frumkóða]- Jón Gunnarsson, alþingismaður[2]
- Sturla Böðvarsson, Forseti Alþingis[3]
Tengdar stofnanir
[breyta | breyta frumkóða]- Iðnú bókaútgáfa.
Neðanmálsgreinar
[breyta | breyta frumkóða]Heimildir
[breyta | breyta frumkóða]- „Vefsíða Iðnskólans“. Sótt 17. júlí 2007.