Georg 1. Bretlandskonungur

Konungur Stóra-Bretlands og Írlands Hannover-ætt
Georg 1.
Ríkisár	1. ágúst 1714 – 11. júní 1727
Skírnarnafn	Georg Lúðvík
Fæddur	28. maí 1660
	Hannover, kjörfurstadæminu Brunswick-Lüneburg, Heilaga rómverska ríkinu
Dáinn	11. júní 1727 (67 ára)
	Schloss Osnabrück, Osnabrück
Gröf	Leineschloss, Hanover
Undirskrift
Konungsfjölskyldan
Faðir	Ernst Ágúst kjörfursti af Hanover
Móðir	Soffía af Pfalz
Drottning	Soffía Dórótea af Selle
Börn	Georg 2. Bretlandskonungur, Soffía Dórótea Prússadrottning

Georg 1. (Georg Lúðvík; 28. maí 1660 – 11. júní 1727) var konungur Stóra-Bretlands og Írlands og hertogi og kjörfursti Brunswick-Lüneburg (Hanover) í Heilaga rómverska ríkinu frá 1698 til dauðadags.

Georg fæddist í Hanover og erfði hertogadæmið Brunswick-Lüneburg frá föður sínum og frændum. Hann bætti mjög við lönd sín í ýmsum evrópskum stríðum og var árið 1704 gerður kjörfursti af Hanover. Þegar hann var 54 ára, eftir dauða frænku sinnar, Önnu Bretadrottningar, varð Georg konungur Bretlands sem fyrsti einvaldurinn af Hanover-ætt. Um fimmtíu kaþólskir ættingjar voru honum framar í hefðbundinni erfðaröð, en lagasetning ársins 1701 hafði bannað að breska krúnan gengi til kaþólikka. Georg var nánasti ættingi Önnu af mótmælendatrú. Jakobítar reyndu að steypa Georg af stóli og reisa þess í stað kaþólskan hálfbróður Önnu, Jakob Frans Játvarð Stúart, til valda, en tókst það ekki.

Á valdatíð Georgs voru völd konungsins verulega skert og Bretland færðist nærri þingræði þar sem völdin voru í höndum forsætisráðherrans. Undir lok valdatíðar hans voru mest pólitísk völd í höndum Roberts Walpole, sem í seinni tíð er jafnan talinn fyrsti forsætisráðherra Bretlands.

Heimild

• Fyrirmynd greinarinnar var „George I of Great Britain“ á ensku útgáfu Wikipedia. Sótt 1. mars 2018.

Fyrirrennari: Anna

Konungur Bretlands og Írlands (1714 – 1727)

Eftirmaður: Georg 2.