Evrópukeppnin í knattspyrnu 1968

Evrópukeppnin í knattspyrnu 1968, oft nefnd EM 1968, var í þriðja skipti sem Evrópukeppni karla í knattspyrnu hefur verið haldin. Lokamótið fór fram í Ítalíu dagana 5. til 10. júní 1968 á vegum Knattspyrnusambands Evrópu. Ítalía gerði markalaust jafntefli í undanúrslitum gegn Sovíetríkjunum eftir venjulegan leiktíma og framlengingu en komust í úrslit með uppkasti. Úrslitaleikurinn gegn Júgóslavíu fór einnig jafntefli, eitt mark gegn einu, en í stað uppkasts var leikurinn endurspilaður 10. júní. Ítalía vann seinni úrslitaleikinn með tveimur mörkum gegn engu og unnu þar með sinn fyrsta titil á mótinu.

Undankeppni

Fjögur lið komust í úrslitakeppnina. Sigurvegararnir í átta forriðlum léku sín á milli í umspili um sætin fjögur.

Spánverjar komust áfram úr fyrsta riðli á kostnað liðs Tékkóslóvakíu. Bronslið Portúgal frá HM 1966 mátti sætta sig við annað sætið á eftir Búlgörum. Sovétmenn áttu ekki í vandræðum með að vinna þriðja riðil.

Einna mesta dramatíkin varð í fjórða riðli þar sem Vestur-Þjóðverjar virtust með pálmann í höndunum fyrir lokaleikinn. Þjóðverjar og Júgóslavar höfðu unnið hvorir sinn innbyrðisleikinn en markatala vestur-þýska liðsins var betri svo þeim dugði sigur gegn þriðja liðinu í riðlinum, Albönum sem voru með markatöluna 0:12 eftir þrjá leiki. Lokatölur í Tírana urðu 0:0 og silfurliðið frá síðustu heimsmeistarakeppni var úr leik.

Boðið var upp á 42 mörk í leikjunum tólf í fimmta riðli þar sem Ungverjar fóru með sigur af hólmi. Ítalir og Frakkar unnu sína riðla stórvandræðalaust. Bresku löndin fjögur voru saman í áttunda riðli, en úrslit hans voru fengin með því að leggja saman úrslit knattspyrnukeppni Bretlands fyrir leiktíðirnar 1966-67 og 1967-68. Skotar og Englendingar mættust í lokaumferðinni á troðfullum Hampden Park þar sem Skotar þurftu sigur en gestirnir héngu á jafntefli og komust áfram.

Umspilsleikir

• Búlgaría 3 : 4 Ítalía (3:2 & 0:2)
• Ungverjaland 2 : 3 Sovétríkin (2:0 & 0:3)
• England 3 : 1 Spánn (1:0 & 2:1)
• Frakkland 2 : 6 Júgóslavía (1:1 & 1:5)

Úrslit leikja

	Undanúrslit				Úrslit
	5. júní
	Ítalía (e. hlutkesti)	0
					8. júní og 10.júní
	Sovétríkin	0
					Ítalía (Tvo úrslitaleiki þurfti)	2 (1)
	5. júní
					Júgóslavía	0 (1)
	Júgóslavía	1
	England	0
					Þriðja sæti
					8. júní
					England	2
					Sovétríkin	0

Undanúrslit

5. júní 1968
	Ítalía	0-0 (e.framl.)	Sovétríkin	Stadio San Paolo, Napólí Áhorfendur: 68.582 Dómari: Kurt Tschenscher, Vestur-Þýskalandi

• Ítalir unnu á hlutkesti

5. júní 1968
	Júgóslavía	1-0	England	Stadio Comunale, Flórens Áhorfendur: 21.834 Dómari: José María Ortiz de Mendíbil, Spáni
	Džajić 86

Bronsleikur

8. júní 1968
	England	2-0	Sovétríkin	Ólympíuleikvangurinn, Róm Áhorfendur: 68.817 Dómari: István Zsolt, Ungverjalandi
	B. Charlton 39, Hurst 63

Úrslitaleikur

8. júní 1968
	Ítalía	1-1 (e.framl.)	Júgóslavía	Ólympíuleikvangurinn, Róm Áhorfendur: 68.817 Dómari: Gottfried Dienst, Sviss
	Džajić 39	Domenghini 80	{{{mörk2}}}

Seinni úrslitaleikur

10. júní 1968
	Ítalía	2-0	Júgóslavía	Ólympíuleikvangurinn, Róm Áhorfendur: 32.886 Dómari: José María Ortiz de Mendíbil, Spáni
		Riva 12, Anastasi 31	{{{mörk2}}}

Heimildir

• Fyrirmynd greinarinnar var „UEFA Euro 1968“ á ensku útgáfu Wikipedia. Sótt júlí 2012.

  Þessi knattspyrnugrein er stubbur. Þú getur hjálpað til með því að bæta við greinina.