Stafangur

Stafangur (norska: Stavanger) er borg í Rogaland-fylki í suður-Noregi. Íbúar sveitarfélagsins voru 135 þúsund árið 2019 en yfir 230.000 á borgarsvæðinu, en borgin nær einnig yfir Sola, Randaberg og Sandnes.

Nágrannasveitarfélög eru Randaberg og Rennesøy í norðri, Sandnes í suðri og Sola í vestri.

Orðsifjar[breyta | breyta frumkóða]

'Angur' merkir hér fjörður eða vík. 'Staf' er einfaldlega leitt af stafur og vísar líklega til að fjörðurinn er að mestu bugðulaus.

Landafræði[breyta | breyta frumkóða]

Stafangur liggur á meginlandi Noregs en til borgarinnar heyra einnig eyjarnar í kring. Flatarmál sveitarfélagsins alls er 67,67 km² og er hæsti punkturinn Jåttånuten eða Jóatúnshnjúkurinn, 139 m yfir sjávarmáli.

Atvinnulíf[breyta | breyta frumkóða]

Stafangur hefur verið kölluð „olíuhöfuðborg“ Noregs, því olíufyrirtækið Statoil hefur höfuðstöðvar sínar þar. Þar er líka stórt olíusafn og öll umferð út á olíuborpallana í Norðursjó fer um Sola-flugvöll fyrir utan Stafangur.