Drammen

Drammen
Upplýsingar
Fylki	Buskerud
Flatarmál  – Samtals	366. sæti 137 km²
Mannfjöldi  – Samtals  – Þéttleiki	10. sæti 63,000 0,46/km²
Borgarstjóri	Tore Opdal Hansen
Þéttbýliskjarnar	Drammen
Póstnúmer	3þús og eitthvað
Opinber vefsíða

Drammen við samnefndan fjörð.

Drammen er borg í Buskerud-fylki í Noregi. Íbúafjöldi var um 63.000 árið 2017 en um 150.000 bjuggu innan marka sveitarfélagsins. Í gegnum borgina rennur Drammenselva sem hefur verið lífæð hennar í gegnum tíðina. Borgin og áin eru stundum kölluð Dröfn á íslensku.

Drammen er vinabær Stykkishólms.

Saga

Hellaristur í Drammen eru taldar vera 6-7.000 ára gamlar. Þá var sjávarstaða hærri en hún er í dag, svo mannvistarleyfar voru nokkuð hátt í ásunum kringum borgina. Stærsta hellaristan sýnir elg og líffæri hans nokkuð vel.

Í raun byggðist Drammen þrjú aðskilin þorp; Bragernes, Strømsø og Tangen. Þessi þrjú sameiðustu þó árið 1811 sem Drammen eins og hún er í dag.

Þegar skógarhögg var sem mest í Buskerud rak timbrið niður Drammenselva niður að Drammensfirði, þar sem það var unnið, sagað og flutt til kaupandans. Í kringum Drammen var því mikil iðnaður í kringum sagirnar og pappírsframleiðslu.

Allt fram á 9. áratug síðustu aldar fór allt skolp óhreinsað í Drammenselva en nú hefur verið gerð breyting á, og er áin að breytast út skolp-æð með 300 m³/s í eina bestu laxveiðiá landsins.

Náttúra

Drammen liggur í dal milli tveggja ása og rennur Drammenselva í botni hans. Norðan við dalinn er Bragernesåsen og sunnan hans er Konnerudåsen. Í báðum ásum eru skíðasvæði sem eru opin frá desember fram í apríl.

Í Drammen er auðvelt að komast út í skóg og liggja þar stígar um allar trissur. Þessir stígar nýtast vel hvort sem er sumar eða vetur, enda eru troðnar skíðaleiðir um báða ásanna.

Stjórnmál

Borgarstjóri Drammen er Tore Opdal Hansen og situr hann fyrir Hægrimenn.

Heimild

• Knudsen, Tor Adler og Sellæg, Jo. (1992). Drammen - Kort og godt. Brakar lokalhistoriks forlag. ISBN 82-91263-00-0.