Molde

	Molde
Skjaldarmerki sveitarfélagsins	Staðsetning sveitarfélagsins
	Upplýsingar
Fylki	Møre og Romsdal
Flatarmál; – Samtals	256. sæti; 355 km²
Mannfjöldi; – Samtals; – Þéttleiki	36. sæti; 32,000; 0,09/km²
Borgarstjóri	Jan Petter Hammerø
Þéttbýliskjarnar	Molde, Hjelset, Kleive, Hovdenakken, Nesjestranda, Torhaug
Póstnúmer
	Opinber vefsíða

Molde er höfuðborg Møre og Romsdal i Noregi og aðsetur bæði sýslumanns og ríkisstjóra í sýslunni. Borgin er einnig stjórnsýslumiðstöð samnefnds sveitarfélags. Molde er biskupssetur Møre biskupsdæmis. Fjöldi íbúa í borginni er 21.215 og í sveitarfélaginu 32.002 (2022).

Molde var hleðslustöð undir Þrándheim árið 1604 og kaupstaðurinn Molde var stofnaður árið 1742. Hluti af miðbæ Molde fellur undir NB!-skrána, sem er listi yfir borgarumhverfi í Noregi með þjóðlegt, menningarlegt og sögulegt varðveislugildi. Molde er oft kölluð borg rósanna.

E39, sem er þjóðvegurinn frá Þrándheimi meðfram allri Vestlandsströndinni í Noregi, liggur um Molde meðfram Fannestranda úr austri og norðri og heldur áfram til suðurs við Molde - Vestnes ferjuna, eina fjölförnustu ferjutengingu landsins. Einnig er hraðbátatenging á Vestnes. Sýsluvegur 64 tengir bæinn við Åndalsnes, endastöð Raumabanen járnbrautarlínunnar, sem og E136 í suðri, og við Hustadvika og Averøy í norðri. Molde er höfn fyrir ferjuna Hurtigruta sem fer um landið endilangt. Fjöldi skemmtiferðaskipa hefur einnig viðkomu í borginni á hverju sumri. Molde-flugvöllur, Årø, er 5 km austur af borginni. Frá flugvellinum eru leiðir til nokkurra norskra borga, þ.á.m Ósló, Björgvin, Stafangur og Þrándheims.

Verslun og þjónusta er mikilvæg í Molde, meðal annars eru nokkur smærri og nokkur stærri upplýsingatæknifyrirtæki í borginni sem tengjast háskólanum í Molde. Molde er stærsta iðnaðarsveitarfélag Mæri og Raumsdals miðað við fjölda starfsmanna. Í iðnaðinum eru meðal annars Oskar Sylte Mineralvannfabrikk, Brunvoll, Linjebygg Offshore, deild National Oilwell Varco og annar verkstæðisiðnaður, auk Glamox, stóra ljósabúnaðarverksmiðju.

Dagblaðið Romsdals Budstikke kemur út í Molde.

Molde-sjúkrahúsið er stórt sjúkrahús með um 1.200 ársverk sem dreifast á 1.500 starfsmenn. Auk þeirra aðgerða sem sinnt er venjulega á sjúkrahúsi, hefur sjúkrahúsið í Molde aðgerðir á miðlægum sjúkrahúsum fyrir Møre og Romsdal á sviðum eins og geðlækningum, taugalækningum, tannlækningum/kjálka.

Molde er fræðslusetur og hér er Háskólinn í Molde sem býður upp á fag- og fagnám í heilbrigðis- og félagsmálafræði, skipulagsfræði, hagfræði, íþróttastjórnun, tölvunarfræði, lögfræði og félagsfræði.Í borginni eru tveir menntaskólar. Molde Videregående skole er undirbúningsskóli með menntunarbrautirnar námsbraut; sérnám með toppíþróttum; tónlist, dans og leiklist (þar á meðal Landslinje fyrir djass); list, hönnun og arkitektúr; nýsköpun og stjórnun. Romsdal Videregående skole er einn af stærstu skólum Møre og Romsdal með yfir 800 nemendur á níu námsbrautum. Einnig eru nokkrir grunn- og framhaldsskólar í borginni.

Dómkirkjan í Molde var vígð árið 1957 og er dómkirkja Møre biskupsdæmis. Kirkjan er tveggja skipa langkirkja í steini (járnbentri steinsteypu). Kirkjusalurinn er 65 metrar á lengd, 25 metrar á hæð og rúmar 900 sæti. Turninn er frístandandi með klukkuverki og bjöllum og er 50 metra hár.

Í Molde borg er Aker Stadium (heimavöllur Molde F. K. knattspyrnufélagsins), Seilet hótelið sem er kennileiti í borginni, Romsdalssafnið og gamla stórbýlið Moldegård.

Molde International Jazz Festival (MIJF), er hátíð sem haldin er á hverju ári í viku 29 í borginni og er ein elsta og stærsta djasshátíð Evrópu. Það var stofnað af Storyville Jazz Club árið 1961.

25 stærstu borgir Noregs (árið 2017)^[1]