Frank-Walter Steinmeier

Úr Wikipediu, frjálsa alfræðiritinu
Jump to navigation Jump to search
Frank-Walter Steinmeier
Frank-Walter Steinmeier - 2018 (cropped).jpg
Forseti Þýskalands
Núverandi
Tók við embætti
12. febrúar 2017
Persónulegar upplýsingar
Fædd(ur)

5. janúar 1956 (1956-01-05) (62 ára)

Detmold, Vestur-Þýskalandi
Stjórnmálaflokkur Jafnaðarmannaflokkurinn
Maki Elke Büdenbender (g. 1995)
Börn 1
Háskóli Háskólinn í Giessen
Starf Stjórnmálamaður
Undirskrift

Frank-Walter Steinmeier (fæddur 5. janúar 1956 í Detmold, Nordrhein-Westfalen) er þýskur stjórnmálamaður í sósíaldemókrataflokknum (SPD). Hann er núverandi forseti Þýskalands, í embætti frá 19. mars 2017.

Frá nóvember 2005 var hann utanríkisráðherra Þýskalands, en frá 1999 til 2005 var hann ráðuneytisstjóri hjá kanslaraembættinu.

Menntun og störf[breyta | breyta frumkóða]

Steinmeier fæddist 1956 í Detmold í sambandslandinu Nordrhein-Westfalen, en faðir hans var smiður. Eftir stúdentspróf árið 1974 í Blomberg gengdi hann herþjónustu í tvö ár eða þangað til hann hóf nám í lögfræði og síðar stjórnmálafræði við Justus-Liebig háskólann í Gießen, sem hann lauk 1986. Hann var frá því í menntaskóla meðlimur ungliðahreyfingar sósíaldemókrataflokksins.

Árið 1991 varði hann doktorsritgerð sína í lögfræði, sem bar heitið „Borgarar án þaks – milli skyldu til framfærslu og réttar á lífsrými; venja og viðhorf opinberrar íhlutunar við hindrun og útrýmingu húsnæðisleysis“.

Sama ár gerðist hann ráðgjafi í fjölmiðlunarrétti við forsætisráðuneyti Neðra-Saxlands í Hannover. Tveimur árum seinna tók hann við embætti skrifstofustjóra hjá Gerhard Schröder, sem á þessum tíma var forsætisráðherra Neðra-Saxlands.

Eftir að ljóst varð árið 1998 að Schröder yrði kanslari ákvað Steinmeier að fylgja honum í ríkisstjórn þýska sambandslýðveldisins og 1999 var hann orðinn ráðuneytisstjóri hjá kanslaraembættinu.

Steinmeier var einn af nánustu samstarfsmönnum Schröders og hefur verið lýst sem manninum á bakvið tjöldin. Þannig gerði hann mikilvægar framkvæmdaáætlanir, t.d. í ellilífeyris- og heilbrigðismálum, og tók þátt í Agenda 2010 og umfangsmiklum skattalagabreytingum.

13. október 2005 varð ljóst að hann yrði utanríkisráðherra og tók hann formlega við embættinu 22. nóvember 2005 í ríkisstjórn Angelu Merkels.

Steinmeier var kjörinn forseti Þýskalands þann 27. febrúar 2017 með 74 prósent atkvæða.

Fjölskyldulíf[breyta | breyta frumkóða]

Steinmeier er giftur og á eina dóttur.