Alexander Van der Bellen

Úr Wikipediu, frjálsa alfræðiritinu
Jump to navigation Jump to search
Alexander Van der Bellen
Alexander Van der Bellen1.jpg
Forseti Austurríkis
Núverandi
Tók við embætti
26. janúar 2017
Persónulegar upplýsingar
Fædd(ur)

18. janúar 1944 (1944-01-18) (74 ára)

Vín, Þýskalandi nasismans (nú Austurríki)
Þjóðerni Austurrískur
Stjórnmálaflokkur Græni flokkurinn
Maki Brigitte Hüttner (skilin 2015)
Doris Schmidauer (g. 2015)
Börn 2
Háskóli Háskólinn í Innsbruck
Starf Kennari, skólastjóri, hagfræðingur, stjórnmálamaður
Undirskrift

Alexander Van der Bellen (f. 18. janúar 1944), er austurrískur stjórnmálamaður og hagfræðingur sem hlaut kosningu til forseta Austurríkis í desember 2016.

Van der Bellen er fyrrverandi prófessor í hagfræði við háskólann í Vín. Hann tók doktorspróf frá Háskólanum í Innsbruck og er sérfræðingur í opinberri fjársýslu og áætlanagerð. Bellen er meðlimur í austurríska sósíalíska græningjaflokknum og hefur gegnt ýmsum nefndarstörfum fyrir hann. Hann bauð sig fram til forseta 2016 að nafninu til sem óháður en þó með yfirlýstum stuðningi græningjaflokksins.

Van der Bellen vann mjög nauman sigur gegn Norbert Hofer, frambjóðanda austurríska Frelsisflokksins, í forsetakosningum í annarri umferð þann 22. maí árið 2016. Fyrsta júlí, áður en hann tók við embætti, ógilti hæstiréttur Austurríkis kosningarnar og kvað á að þær skildu endurteknar.[1] Þegar kosningarnar voru endurteknar þann 4. desember 2016 vann Van der Bellen í annað skipti með auknum atkvæðamun[2] og tók við embætti forseta í janúar næsta ár.

Van der Bellen styður græn og vinstrisinnuð stefnumál. Hann styður tilvist Evrópusambandsins og aðild Austurríkis að því og hefur mælt fyrir því að Evrópusambandið þróist í sambandsríki.

Tilvísanir[breyta | breyta frumkóða]

  1. „Forsetakosningar í Austurríki ógildar". . (RÚV). 1. júlí 2016. Skoðað 16. ágúst 2018.
  2. „Fram­bjóðandi hægriöfga­flokks tapaði". . (RÚV). 4. desember 2016. Skoðað 16. ágúst 2018.


Fyrirrennari:
Heinz Fischer
Forseti Austurríkis
(26. janúar 2017 – )
Eftirmaður:
Enn í embætti