Stundin okkar

Úr Wikipediu, frjálsa alfræðiritinu
Jump to navigation Jump to search

Stundin okkar er barnaþáttur sem er sýndur á RÚV 1 á sunnudögum klukkan 18 (6). Fyrsti þátturinn var sendur út á aðfangadag 1966 skömmu eftir stofnun sjónvarpsins. Stundin okkar er elsti íslenski sjónvarpsþátturinn sem enn er sendur út. Hann hefur lengst af verið sendur út um klukkan sex síðdegis á sunnudögum og tekið 40-50 mínútur í útsendingu. Fyrstu árin var sunnudagshugvekja send út í kortér klukkan sex og síðan tók Stundin okkar við fram að íþróttum klukkan sjö.

Fyrsti umsjónarmaður Stundarinnar okkar var Hinrik Bjarnason kennari og síðar dagskrárstjóri. Strax í febrúar 1967 urðu Rannveig og Krummi (Rannveig Jóhannsdóttir og Sigríður Hannesdóttir) fastur liður í öðrum hverjum þætti og svo vinsæl að flestir tengja þau við þessi fyrstu ár fremur en Hinrik. Krummi var handbrúða sem Hinrik hafði keypt í Þýskalandi. Frá upphafi byggðist þátturinn á blönduðum atriðum frá grunnskólunum, leikhúsunum og aðkeyptu erlendu efni sem stjórnandi þáttarins kynnti fyrir áhorfendum.

Eftir Krumma settu margar brúður svip sinn á þáttinn: Fúsi flakkari kom fram í þáttum Kristínar Ólafsdóttur og Klöru Hilmarsdóttur 1969 til 1970, Glámur og Skrámur (Halli og Laddi) komu fram í þáttum Ragnheiðar Geirsdóttur og Björns Þórs Sigurbjörnssonar 1972 og síðan aftur við og við í mörg ár á eftir, og Páll Vilhjálmsson (Gísli Rúnar Jónsson) kom fram með Sirrý í atriðum sem voru skrifuð af Guðrúnu Helgadóttur. Fjöldinn allur af brúðum kom fram í þáttum Helgu Steffensen 1987 til 1994 og Keli köttur (Steinn Ármann Magnússon) var félagi Ástu Hrafnhildar Garðarsdóttur 1997 til 2001.

Leiknar persónur sem voru þróaðar sérstaklega fyrir þáttinn voru einkenni á þáttum Bryndísar Schram 1979 til 1983 þar sem Þórhallur Sigurðsson leikari þróaði margar af þekktustu persónum sínum, s.s. Eirík Fjalar og Þórð húsvörð. Elías (Sigurður Sigurjónsson) var með atriði skrifuð af Auði Haralds í þáttum Ásu Ragnarsdóttur og Þorsteins Marelssonar frá 1983 til 1985. Gunni og Felix léku samnefndar persónur í þáttum sínum 1994 til 1996 en Þóra Sigurðardóttir og Jóhann G. Jóhannsson gengu skrefinu lengra árið 2002 og bjuggu til persónurnar Birtu og Bárð sem sáu um kynningar í þættinum að hluta. Frá 2007 hefur allur þátturinn byggst á samhangandi leiknum atriðum, Ævintýri Stígs og Snæfríðar leikin af Ívari Erni Sverrissyni og Ísgerði Elfu Gunnarsdóttur, sem eru skrifuð af Leynifélaginu ehf. (Þorgeiri Tryggvasyni, Ármanni Guðmundssyni, Snæbirni Ragnarssyni og Sævari Sigurbjörnssyni).

Þáttaraðir[breyta | breyta frumkóða]

Röð Kynnir Lýsing
1967 V Hinrik Bjarnason Fyrsti þátturinn var sendur út 24. des. Rannveig og Krummi komu fyrst fram 26. febrúar 1967 og síðan í öðrum hverjum þætti. Til að byrja með voru öll atriði þáttanna íslensk, meðal annars söng- og leikatriði frá grunnskólum, tónlistarskólum og dansskólum, atriði úr barnaleikritum í leikhúsunum og föndur. Meðal fastra liða var Brúðuleikhús Margrétar Björnsson og sænska kvikmyndin Á Saltkráku frá 1964 eftir sögu Astrid Lindgren. Stuttar íslenskar heimildamyndir og leiknar myndir (m.a. þrjár stuttmyndir Ásgeirs Long) voru líka sýndar en fyrsta erlenda efnið sem sýnt var var sænskt barnaefni. Þegar þátturinn fór aftur í loftið eftir sumarfrí 1967 var hann fyrst kynntur sem „kvikmyndaþáttur fyrir börn“. Þá um haustið birtist fyrsta „teiknisagan“, Valli víkingur eftir Ragnar Lár. Þættirnir gátu af sér söngbókina Ég sá mömmu kyssa jólasvein eftir Hinrik 1967 með textum laganna sem Krummi söng og hljómplötuna Rannveig og Krummi sem kom út árið eftir.
H
1968 V
H Rannveig Jóhannsdóttir
1969 V Svanhildur Kaaber
og Birgir G. Albertsson
Svanhildur tók við af Rannveigu 19. janúar. Í þessari þáttaröð var fyrst sýnd myndasagan Moli litli eftir Ragnar Lár og brúðumyndin Bjössi bílstjóri eftir Ásgeir Long.
H Kristín Ólafsdóttir
og Klara Hilmarsdóttir skiptust á
Fúsi flakkari kom fyrst fram í þessum þáttum árið 1970. Meðal efnis voru myndasögur eftir Molly Kennedy og brúðuþættirnir Ævintýri Dodda eftir sögum Enid Blyton auk norrænna teiknimynda frá Nordvision. Umsjón upptöku var í höndum Andrésar Indriðasonar og Tage Ammendrup. Glámur og Skrámur áttu sitt fyrsta innslag 14. febrúar 1971. Gunnar Baldursson gerði brúðurnar sem Andrés Indriðason átti hugmyndina að og skrifaði fyrir en Halli og Laddi ljáðu þeim raddir. Fyrirmyndin að brúðunum voru brúður Jim Hensons í Sesame Street sem fór fyrst í loftið 1969.
1970 V
H
1971 V
H Ásta Ragnarsdóttir Þættirnir voru í umsjá Kristínar Ólafsdóttur og með aðeins breyttu sniði. Þættirnir voru kynntir sem „stutt atriði úr ýmsum áttum til skemmtunar og fróðleiks“.
1972 V
H Ragnheiður Geirsdóttir
og Björn Þór Sigurbjörnsson
Meðal efnis í þessum þáttum voru Glámur og Skrámur og sjónvarpsþættir sænska ríkissjónvarpsins um Línu langsokk frá 1969.
1973 V Sigríður Margrét Guðmundsdóttir
og Hermann Ragnar Stefánsson
Palli og Sirrý eru þau nöfn sem flestir tengja við þessa þætti. Páll Vilhjálmsson var brúða sem Gunnar Baldursson gerði. Kári Halldór Þórisson og Guðrún Helgadóttir skrifuðu texta fyrir atriðin. Gísli Rúnar Jónsson lék Palla fyrstu árin en síðasta veturinn tók Jörundur Guðmundsson við. Palli kom raunar fyrst fram 5. október 1975 en áður höfðu Glámur og Skrámur verið með innslög í þáttunum. Palli naut mikilla vinsælda. 1976 kom út platan Algjör sveppur með 34 lögum sem Palli (Gísli Rúnar) söng og 1977 kom út bók um hann eftir Guðrúnu.
H
1974 V
H
1975 V
H
1976 V
H
1977 V
H Enginn Um haustið voru aðeins sendir út þættir með eldra efni en seint í nóvember tóku Ásdís og Jóhanna við.
1978 V Ásdís Emilsdóttir
og Jóhanna Kristín Jónsdóttir
Andrés Indriðason stjórnaði upptöku.
H Sigríður Ragna Sigurðardóttir Andrés Indriðason stjórnaði upptöku.
1979 V Svava Sigurjónsdóttir Andrés Indriðason stjórnaði upptöku
H Bryndís Schram Bryndís og Laddi (Þórhallur Sigurðsson) höfðu samstarf um mörg atriði í þessum þáttum. Samleikur þeirra byggðist að stórum hluta á spuna. Ýmsir sáu um upptökur á þessum þáttum, þeirra á meðal Andrés Indriðason, Egill Eðvarðsson og Tage Ammendrup.
1980 V
H
1981 V
H
1982 V
H
1983 V
H Ása H. Ragnarsdóttir
og Þorsteinn Marelsson
Ása og Þorsteinn tóku við þáttunum í apríl 1983. Elías var persóna sem Sigurður Sigurjónsson lék og Auður Haralds skrifaði. Eiríkur Fjalar kom líka fram í þáttunum.
1984 V
H
1985 V
H Agnes Johansen
og Jóhanna Thorsteinson
1986 V Agnes Johansen
og Helga Möller
H
1987 V
H Helga Steffensen Þættir Helgu, sem hafði áður séð um Brúðubílinn frá 1980, byggðust upp á brúðum sem sumar, eins og apinn Lilli, komu líka fram í Brúðubílnum.
1988 V
H
1989 V
H
1990 V
H
1991 V
H
1992 V
H
1993 V
H
1994 V
H Gunnar Helgason
og Felix Bergsson
Gunni og Felix léku sjálfa sig í þáttunum. Þeir fluttu meðal annars mikið af frumsömdum lögum eftir Jón Ólafsson sem komu út á plötunum Úti að aka (1997), Jólin (eru alveg að) koma (1997), Landkönnuðir (1998) og Lögin hans Jóns míns (2006).
1995 V
H
1996 V
H Guðfinna Rúnarsdóttir Irma (Guðfinna Rúnarsdóttir) , Finnur, , Stjörnukíkirinn, Lalli lygari (Jóhann G. Jóhannsson) , Theodóra Móðir Irmu (Sigurveig Jónsdóttir), Sunna litla (Sigrún Ósk Guðbrandsdóttir), Lísa Ljósakróna (Ragnhildur Rúriksdóttir) og margir fleiri lentu saman í ævintýrum.
1997 V
H Ásta Hrafnhildur Garðarsdóttir Keli köttur var brúða sem var gerð af Ólafi J. Engilbertssyni og Helgu Arnalds. Steinn Ármann Magnússon lék hann.
1998 V
H
1999 V
H
2000 V
H
2001 V
H
2002 V
H Þóra Sigurðardóttir
og Jóhann G. Jóhannsson
Þóra og Jóhann kynntu stundum sem þau sjálf og stundum sem persónurnar Birta og Bárður.
2003 V
H
2004 V
H
2005 V
H
2006 V
H
2007 V
H Snæfríður og Stígur Snæfríður og Stígur eru persónur í leikriti sem fjallar um ævintýri þeirra í íbúð galdramanns. Þau eru leikin af Ívari Erni Sverrissyni og Ísgerði Elfu Gunnarsdóttur.
2008 V
H
2009 V
H Björgvin Franz Veturinn 2009 til 2010 birtist skringileg vera í lífi umsjónarmannsins Björgvins Franz. Það var engin önnur en Fransína mús, húsvörður ævintýragangsins þar sem öll ævintýri heimsins gerast. Saman lentu þau í ótalmörgum ævintýrum með hjálp töfralykils Fransínu.
2010 V
H Skotta og Rósenberg Sunna Karítasar Oktavía Torfhildar Tildurrófu Aðaldal, sem í daglegu tali var kölluð Skotta og vinur hennar Rósenberg lentu í ýmsum ævintýrum. Loðinlumpurnar, Ása, Gunnar, amma, Bragi og Ægir og fleira skemmtilegt fólk og álfar heimsóttu Skottu í Álfheimana. Þau lentu saman í mörgum æsispennandi ævintýrum og þurftu meðal annars að bjarga veikum bókum, ræna orðasugu og frelsa álfa. En eins og öll góð ævintýri þá endaði þetta vel með hjálp frá góðum vinum og auðvitað Loðinlumpunum.
2011 V
H
2012 V
H
2013 V
H Guðjón Davíð Karlsson Gói og Brandon leikhússtjóri bjóða upp á ógleymanleg ævintýri og fræðandi skemmtun fyrir leikhúsrotturnar sem fylla salinn.
2014 V
H
2015 V
H
2016 V
H Sigyn Blöndal Í Stundinni okkar hittir Sigyn skemmtilega krakka um allt land. Þau kynnast skrímslum, læra á gítar, taka þátt í stórhættulegri spurningakeppni og læra ýmislegt og alls konar sem þau höfðum ekki hugmynd um að þau langaði að vita. Umsjón: Sigyn Blöndal. Dagskrárgerð: Sigyn Blöndal og Sindri Bergmann Þórarinsson. https://www.ruv.is/frett/sigyn-kvedur-stundina-okkar
2017 V
H
2018 V
H
2019 V
H Nýr stórnandi