Hofsjökull

Hnit: 64°49′28″N 18°49′23″V / 64.82444°N 18.82306°V / 64.82444; -18.82306
Úr Wikipediu, frjálsa alfræðiritinu

64°49′28″N 18°49′23″V / 64.82444°N 18.82306°V / 64.82444; -18.82306

Gervihnattamynd af Hofsjökli ásamt skriðjöklum þeim er út úr honum ganga sem tekin var 9. september 2002. (yfirlitsmynd)
Hofsjökull séður frá Nýja-Dal, til vinstri Múlajökull, næst Arnarfell hið mikla og loks Þjórsárjökull
Arnarfellsjökull um 1900.
Hofsjökull getur einnig átt við Hofsjökul eystri

Hofsjökull er þíðjökull á miðhálendi Íslands sem liggur á milli Langjökuls til vesturs og Vatnajökuls til austurs, hann er 925 km²flatarmáli og 1.765 m hár[1] þar sem hann er hæstur. Hann er þriðji stærsti jökull landsins á eftir Langjökli og Vatnajökli. Hann var áður kenndur við Arnarfell hið mikla og hét þá Arnarfellsjökull en nafni hans var síðan breytt og er hann nú kenndur við Hof í Vesturdal í Skagafirði.

Skriðjöklar[breyta | breyta frumkóða]

Þekktustu skriðjöklar Hofsjökuls eru (talið réttsælis frá Arnarfelli): Múlajökull til suðausturs, Blautukvíslarjökull til suðurs, Blöndujökull til vesturs, Kvíslajökull til vest-norð-vesturs og Þjórsárjökull til austurs.

Jökulár[breyta | breyta frumkóða]

Frá Hofsjökli renna stórar jökulár; Blanda, Þjórsá, Jökulfall, Austari-Jökulsá og Vestari-Jökulsá.

Eldvirkni[breyta | breyta frumkóða]

Mikil megineldstöð og gosaskja (sigketill) leynist undir Hofsjökli. Askjan sést á gervitunglamyndum og kemur vel fram við dýptarmælingar á ísnum. Einnig er tölverð smáskjálftavirkni undir henni sem bendir til þess að þar sé virkt kvikuhólf. Ekki er vitað hvenær askjan varð til og ekki er heldur vitað hvenær síðast gaus innan hennar. Nokkur lítil hraungos hafa orðið í hlíðum Hofsjökuls á nútíma (þ.e. á síðustu 10.000 árum). Gígarnir eru nú huldir jökli en hrauntungur teygja sig út undan jökulröndinni og bera vitni um þessi gos.

Heimild[breyta | breyta frumkóða]

  • ^  „Landfræðilegar upplýsingar um Ísland“. Sótt 31. október 2005.

Tengill[breyta | breyta frumkóða]