Torfajökull
Torfajökull er eldstöðvakerfi og jökull norðan við Mýrdalsjökul og sunnan við Þórisvatn. Hæsti tindur Torfajökuls er um 1.190 metra hár. Jökullinn er um 15 ferkílómetrar.[1]
Torfajökulssvæðið er mesta ríólítsvæði á Íslandi og næstmesta háhitasvæði á eftir Grímsvötnum. Á svæðinu er stærsta askja landsins. Torfajökull gaus síðast um árið 1480 en einnig er vitað af gosi árið 872. Hrafntinnuhraun myndaðist í gosinu um 872 en súru hraunin við Landmannalaugar, Námshraunin og Laugahraun mynduðust í gosinu árið 1477.[2]
Talið er að Torfajökull gæti verið næsti jökull á Íslandi sem hverfur vegna loftslagsbreytinga.[3] Fyrsti jökullinn sem hvarf var Ok.
Tengt efni[breyta | breyta frumkóða]
Tilvísanir[breyta | breyta frumkóða]
- ↑ „Landmælingar Íslands - Ísland í tölum“. Sótt 15. ágúst 2009.
- ↑ Jóhann Ísak Pétursson; Jón Gauti Jónsson (2008). Almenn Jarðfræði. Iðnú.
- ↑ Torfajökull gæti orðið næsti þekkti jökullinn sem hverfur
.jpg)