Evrópukeppnin í knattspyrnu 1960

Evrópukeppnin í knattspyrnu 1960, oft nefnd EM 1960, var í fyrsta skipti sem Evrópukeppni karla í knattspyrnu var haldin. Keppnin hefur síðan þá verið haldin fjórða hvert ár á vegum Knattspyrnusambands Evrópu. Lokamótið fór fram í Frakklandi dagana 6. til 10. júlí 1960. Landslið Sovétríkjanna unnu titilinn með sigri á Júgóslavíu í úrslitaleik. Sautján lið tóku þátt í undankeppninni.

Undankeppni

Undankeppnin fór fram á árunum 1958 og 1959. Einungis sautján lið skráðu sig til leiks og léku þau einfalda útsláttarkeppni, heima og að heiman. Margar kunnar knattspyrnuþjóðir létu ekki sjá sig. Þannig mætti ekkert lið frá Stóra-Bretlandi. Ítalir, Vestur-Þjóðverjar og silfurlið Svía frá HM 1958 tóku heldur ekki þátt.

Fátt kom á óvart í undankeppninni. Spánn og Sovétríkin áttu að mætast í fjórðungsúrslitum en Spánverjar neituðu af pólitískum ástæðum að ferðast til Moskvu og gáfu því einvígið.

Úrslitakeppnin

	Undanúrslit				Úrslit
	6. júlí
	Sovétríkin	3
					10. júlí
	Tékkóslóvakía	0
					Sovétríkin (e. framl.)	2
	6. júlí
					Júgóslavía	1
	Frakkland	4
	Júgóslavía	5
					Þriðja sæti
					9. júlí
					Tékkóslóvakía	2
					Frakkland	0

Undanúrslit

6. júlí 1960
	Frakkland	4-5	Júgóslavía	Parc des Princes, París Áhorfendur: 26.370 Dómari: Gaston Grandain, Belgíu
	Vincent 12, Heutte 43, 62, Wisniewski 53		Galić 11, Žanetić 55, Knez 75, Jerković 78, 79

6. júlí 1960
	Tékkóslóvakía	0-3	Sovétríkin	Stade Vélodrome, Marseille Áhorfendur: 25.184 Dómari: Cesare Jonni, Ítalíu
			Ivanov 34, 56, Ponedelnik 66

Bronsleikur

9. júlí 1960
	Tékkóslóvakía	2-0	Frakkland	Stade Vélodrome, Marseille Áhorfendur: 9.438 Dómari: Cesare Jonni, Ítalíu
	Bubník 58, Pavlovič 88

Úrslitaleikur

10. júlí 1960
	Sovétríkin	2-1 (e.framl.)	Júgóslavía	Parc des Princes, París Áhorfendur: 17.966 Dómari: Arthur Ellis, Englandi
	Metreveli 49, Ponedelnik 113		Galić 43

Heimildir

• Fyrirmynd greinarinnar var „1960 European Nations' Cup“ á ensku útgáfu Wikipedia. Sótt júlí 2012.

  Þessi knattspyrnugrein er stubbur. Þú getur hjálpað til með því að bæta við greinina.