Auður Auðuns
| Auður Auðuns | |||||||||
|---|---|---|---|---|---|---|---|---|---|
| Dóms- og kirkjumálaráðherra Íslands | |||||||||
| Í embætti 10. október 1970 – 14. júlí 1971 | |||||||||
| Forsætisráðherra | Jóhann Hafstein | ||||||||
| Forveri | Jóhann Hafstein | ||||||||
| Eftirmaður | Ólafur Jóhannesson | ||||||||
| Borgarstjóri Reykjavíkur[a] | |||||||||
| Í embætti 19. nóvember 1959 – 6. október 1960 | |||||||||
| Forveri | Gunnar Thoroddsen | ||||||||
| Eftirmaður | Geir Hallgrímsson | ||||||||
| Alþingismaður | |||||||||
| |||||||||
| Borgarfulltrúi í Reykjavík | |||||||||
| |||||||||
| Persónulegar upplýsingar | |||||||||
| Fædd | 18. febrúar 1911 Ísafirði, Íslandi | ||||||||
| Látin | 19. október 1999 (88 ára) Droplaugarstöðum, Reykjavík, Íslandi | ||||||||
| Stjórnmálaflokkur | Sjálfstæðisflokkurinn | ||||||||
| Maki | Hermann Jónsson (g. 1936) | ||||||||
| Börn | 4 | ||||||||
| Háskóli | Háskóli Íslands | ||||||||
| Æviágrip á vef Alþingis | |||||||||
Auður Auðuns (f. á Ísafirði 18. febrúar 1911 - d. 19. október 1999) var íslenskur lögfræðingur og stjórnmálamaður. Hún var fyrsta konan sem útskrifaðist á Íslandi sem lögfræðingur og fyrsta konan sem varð borgarstjóri Reykjavíkur og ráðherra á Íslandi.
Ævi
[breyta | breyta frumkóða]Auður var dóttir Jóns Auðuns Jónssonar alþingismanns, fyrst fyrir Íhaldsflokkinn og svo seinna fyrir Sjálfstæðisflokkinn, og Margrétar Guðrúnar Jónsdóttur. Auður tók stúdentspróf við Menntaskólann í Reykjavík árið 1929 og lauk lögfræðiprófi frá Háskóla Íslands árið 1935, fyrst íslenskra kvenna. Ári seinna giftist hún Hermanni Jónssyni, hæstaréttarlögmanni og eignaðist með honum fjögur börn; Jón (1939), Einar (1942), Margréti (1949) og Árna (1954).
Auður starfaði sem lögfræðingur Mæðrastyrksnefndar Reykjavíkur á árunum 1940 til 60. Hún var bæjar- og síðar borgarfulltrúi í Reykjavík 1946-1970, forseti bæjarstjórnar og síðar borgarstjórnar 1954 til 1959 og 1960 til 1970. Auður var fyrsta konan sem gegndi embætti borgarstjóra í Reykjavík en hún gegndi embættinu ásamt Geir Hallgrímssyni frá 19. nóvember 1959 til 6. október 1960.
Hún var alþingismaður Reykvíkinga 1959 til 74 fyrir Sjálfstæðisflokkinn. Hún sat á Allsherjarþingi Sameinuðu þjóðanna 1967. Hún var skipuð dóms- og kirkjumálaráðherra þann 10. október 1970 og gegndi embættinu fram á mitt sumar 1971. Hún var fyrsta íslenska konan til að gegna ráðherraembætti. Loks má geta þess að hún sat í útvarpsráði 1975 til 1978.
Auður var virk í Kvenréttindafélagi Íslands og var gerð að heiðursfélaga þess, 19. júní 1985 þegar sjötíu ár voru liðin frá því að íslenskar konur fengu kosningarétt. Landssamband sjálfstæðiskvenna og Hvöt, félag sjálfstæðiskvenna í Reykjavík gáfu út Auðarbók Auðuns árið 1981 í tilefni af sjötugsafmæli Auðar.
| Ég er alin upp í borgaralegum hugsunarhætti eins og hann gerist beztur og fellur hann saman við stefnuyfirlýsingu míns flokks, Sjálfstæðisflokksins. Hann felst í virðingunni fyrir einstaklingnum og frjálsræði hans og þeirri ábyrgðartilfinningu, sem hver einstaklingur þarf að hafa. | ||
— Viðtal við Morgunblaðið í ágúst 1983
|
Tengt efni
[breyta | breyta frumkóða]Tenglar
[breyta | breyta frumkóða]- Vefur Reykjavíkurborgar
- Alþingismannatal
- Safn efnis á vefsiðu Morgunblaðsins um Auði
- Greinin Framlag sjálfstæðiskvenna - heiðrum minningu Auðar á heimasíðu Sambands ungra sjálfstæðismanna
- Þverpólitísk kvennaframboð leysir engan vanda, viðtal við Auði í Morgunblaðinu 7. ágúst 1983
Neðanmálsgreinar
[breyta | breyta frumkóða]- ↑ Ásamt Geir Hallgrímssyni.
- Kjörnar Alþingiskonur 1951-1960
- Dómsmálaráðherrar Íslands
- Borgarstjórar Reykjavíkur
- Kvenborgarstjórar Reykjavíkur
- Íslenskir lögfræðingar
- Íslenskar kvenréttindakonur
- Stúdentar úr Menntaskólanum í Reykjavík
- Þingmenn Sjálfstæðisflokksins
- Handhafar stórriddarakross Hinnar íslensku fálkaorðu
- Íslenskar konur á 20. öld
- Fólk fætt árið 1911
- Fólk dáið árið 1999
- Borgarfulltrúar Sjálfstæðisflokksins