Auðunn Blöndal

Auðunn Blöndal (fæddur 8. júlí 1980 á Sauðarkróki) betur þekktur Auddi og Auddi Blö, er íslenskur leikari, skemmtikraftur, útvarpsmaður og sjónvarpsmaður.

Ferill

70 mínútur

Hann hóf feril sinn í þættinum 70 Mínútur á Popptíví árið 2001 með því að hjálpa Sigmari Vilhjálmssyni og Jóhannesi Ásbjörnssyni (ganga almennt undir gælunöfnunum Simmi og Jói) með falda myndavél. Síðar var Auðunn meira og meira í þáttunum og varð einn af stjórnendum þáttarins þegar Jóhannes hætti, en þá voru Auðunn, Sigmar og Sverrir Þór Sverrisson (Sveppi) með þáttinn. Þeir gáfu út diskinn Besta úr 70 Mínútum sem seldist í yfir 5.000 eintökum og Besta úr 70 Mínútum 2 sem seldist í yfir 10.000 eintökum. Þeir gáfu einnig út diskinn Besta úr 70 Mínútum 3. Sigmar hætti í þættinum 2003 og voru þeir Auðunn og Sverrir (Auddi og Sveppi) einir með þáttinn þar til í byrjun árs 2004 þegar Pétur Jóhann Sigfússon gekk til liðs við þá, en hann hafði leikið með þeim í Svínasúpunni. Þeir stýrðu þættinum til 20.desember 2004 ásamt innslögum frá Huga Halldórssyni eða Ofurhuga. Fyrir framlag sitt til þáttanna hlaut Auðunn tilnefningu til Eddu verðlaunana sem sjónvarpsmaður ársins.

Strákarnir

Þá færðu þeir sig yfir á Stöð 2 með þáttinn Strákarnir sem var með svipuðu sniði og 70 Mínútur nema bara 25 mínútur og ekki í beinni útsendingu, og allt fyrir fram unnið en 70 Mínútur var yfirleitt unnið samdægurs. Strákarnir gengu til ársins 2006 en þá hættu þeir samstarfinu í .

Tekinn

Auðunn byrjaði með þáttinn Tekinn þar sem hann hrekkti fræga einstaklinga með falinni myndavél. Þátturinn var til ársins 2007.

Hann lék einnig þættinum Stelpurnar árið 2006 ásamt Pétri og Sverri. Árið 2008 lék hann í Ríkinu, og 2009 stýrði hann þáttunum Atvinnumennirnir Okkar þar sem hann heimsótti fræga boltastráka frá Íslandi.

Auddi og Sveppi

Hann og Sveppi hófu samstarf sitt á ný árið 2009 með þáttinn Auddi og Sveppi sem var á dagskrá til 2011.

FM95Blö

2011 byrjaði hann með útvarpsþáttinn FM95Blö á FM957. Upphaflega voru þættirnir fjórum sinnum í viku, og ávallt gestastjórnandi með honum (alltaf sami á hverjum vikudegi). Á mánudögum var Björn Bragi með honum, á þriðjudögum Sverrir Þór Sverrisson (betur þekktur sem Sveppi ), á fimmtudögum Hjörvar Hafliðason (Oft þekktur sem Hjöbbi K og Maður Þjóðarinnar og föstudögum Egill Einarsson (Betur þekktur sem Gillz), en þegar Auðunn tók að sér verkefni sem kynnir Ísland Got Talent fækkuðu þáttunum í einn í viku, á föstudögum, en þá hélt Egill sínum sessi sem gestastjórnandi, en þá gekk Steinþór Hróar Steinþórsson (þekktur sem Steindi Jr.) einnig til liðs við þá.

Draumarnir

Árið 2010 var Auddi í þáttunum Ameríski Draumurinn ásamt Sveppa, Villa naglbít og Agli gillz Einarssyni . Í þeim þáttum fóru þeir um öll Bandaríkin og söfnuðu stigum með ýmsum áskorunum og földum myndavélum. 2012 var hann í Evrópska Draumnum sem gekk út á nokkurn veginn það sama og Ameríski Draumurinn nema það að hann var tekinn upp í Evrópu. Með honum í þáttunum voru Sveppi, Pétur Jóhann og Steindi Jr. 2017 eftir langt hlé tók hann þátt í Asíska draumnum sem gekk út á það sama og evrópski, 2018 í suður ameríski draumnum.

Sjónvarpsþátta og kvikmyndaferill

Ár	Kvikmynd/Þáttur	Hlutverk	Athugasemdir og verðlaun
2001-2004	70 mínútur	Þáttastjórnandi
2003-2004	Svínasúpan	Leikari	Einnig höfundur handrits
2005-2006	Strákarnir	Þáttastjórnandi
2006-2007	Tekinn	Þáttastjórnandi	Einnig höfundur handrits
2007	Stelpurnar	Leikari
	Leitin að strákunum	Dómari
2008	Ríkið	Leikari	Einnig höfundur handrits
2009-2011	Auddi og Sveppi	Þáttastjórnandi
2009-2019	Atvinnumennirnir okkar	Þáttastjórnandi
2010	Ameríski draumurinn	Keppandi	Einnig höfundur handrits
2011-	FM95BLÖ	Þáttastjórnandi	Einnig höfundur handrits
2011	Algjör Sveppi og töfraskápurinn	Leikari
2012	Evrópski draumurinn	Keppandi	Einnig höfundur handrits
2014-2015	Ísland Got Talent	Þáttastjórnandi
2014	Hreinn Skjöldur	Leikari
2016	Ég og 70 mínútur	Þáttastjórnandi
2017-2018	Steypustöðin	Leikari	Einnig höfundur handrits
	Satt eða logið	Keppandi
2017	Asíski Draumurinn	Keppandi	Einnig höfundur handrits
2018	Víti í Vestmannaeyjum	Leikari
	Suður-ameríski draumurinn	Keppandi	Einnig höfundur handrits
2019	Rikki fer til Ameríku	Þáttastjórnandi	Einnig höfundur handrits
	Allir geta dansað	Þáttastjórnandi
2020	Gullregn	Leikari
	Eurogarðurinn	Leikari	Einnig höfundur handrits
2021	Leynilögga	Leikari
2021-2022	Stóra sviðið	Þáttastjórnandi	Einnig höfundur handrits
2021-2023	Tónlistarmennirnir okkar	Þáttastjórnandi	Einnig höfundur handrits

Tenglar

• Auðunn Blöndal á Internet Movie Database