Québec

Úr Wikipediu, frjálsa alfræðiritinu
Stökkva á: flakk, leita
Québec
Fáni Québec Skjaldarmerki Québec
(Fáni Québec) (Skjaldarmerki Québec)
Kjörorð: Je me souviens (Ég man)
Kort af Québec
Önnur kanadísk fylki og yfirráðasvæði
Höfuðborg Québecborg
Stærsta borgin Montréal
Fylkisstjóri J. Michel Doyon
Forsætisráðherra Philippe Couillard (PLQ)
Svæði 1.542.056 km² (2. Sæti)
 - Land 1.183.128 km²
 - Vatn 176.928 km² (11,5%)
Fólksfjöldi (2016)
 - Fólksfjöldi 8.164.361 (2. Sæti)
 - Þéttleiki byggðar 5,6 /km² (5. Sæti)
Aðild í ríkjabandalagið
 - Dagsetning 1. júlí 1867
 - Röð Fyrst
Tímabelti UTC-5
Skipting á þingi
 - Neðri málstofa 75
 - Öldungadeild 24
Skammstafanir
 - Póstur QC
 - ISO 3166-2 CA-QC
Póstfangsforskeyti G, H, J
Vefur www.gouv.qc.ca
Kort.
Quebec árið 1774.

Québec (borið fram [kebɛk]?) er frönskumælandi fylki í austur-Kanada. Nafn fylkisins kemur úr frumbyggjamálinu algonskinsku og þýðir þar sem áin þrengist.

Landafræði og náttúrufar[breyta | breyta frumkóða]

Quebec er stærsta fylki Kanada eftir landssvæði (héraðið Núnavút er stærri stjórnsýslueining) og það annað fjölmennasta á eftir Ontario. Fylkið á landamæri að Ontaríó í vestri, Nýfundnalandi og Labrador ásamt Saint Lawrence-flóa í austri, í suðri á fylkið landamæri að: Nýju-Brúnsvík og bandarísku fylkjunum Maine, New Hampshire, Vermont og New York. Quebec á sjávarlandamæri að Núnavút, Prince Edward Island og Nova Scotia.

Mikið er af ferskvatni og vötnum í fylkinu og er 12% af yfirborði þess er vatn. Mistassini-vatn er stærst af hundruðum þúsunda vatna. Stíflur hafa verið byggðar fyrir raforkuframleiðslu. Frá árinu 1959, hefur skurður milli Saint Lawrence-fljóts og Vatnanna miklu gert skipaflutninga mögulega frá Atlantshafinu.

Quebec er fremur flatlent en í suðri eru Appalasíu-fjöll og Laurentíu-fjöll. Hæsti punkturinn er Mont d'Iberville ( Mount Caubvick á ensku); 1652 metrar. Eitthvað er um fjalllendi nyrðra eins og við Torngat-fjöll. Um 95% landsvæðis fylkisins teljast innan Kanadaskjaldarins sem hefur mótast af ísaldarjöklinum.

Rífleg úrkoma eða 1,000 mm er yfir árið. Á sumrin getur hiti farið í 35 °C og á veturna niður í −40 °C.

Af spendýrum í fylkinu má nefna: Elgur og önnur hjartardýr, sléttuúlfur, heimskautarefur, úlfur, svartbjörn, ísbjörn, hreindýr. Smærri spendýr eru m.a. : Íkorni þvottabjörn, múrmeldýr og snjóþrúguhéri.

Fuglategundir eru til að mynda: Gullörn, förufálki, skallaörn, kanadagæs, súla, lundi og lómur.

Skógar þekja um helming fylkisins en norðurhlutinn er freðmýri. Meðal barrtrjáa eru hvítgreni, svartgreni, balsamþinur, gráfura og mýrarlerki. Hlyntegundir, næfurbjörk, nöturösp og skrautreynir eru meðal lauftrjáa.

Söguágrip[breyta | breyta frumkóða]

Áður en Evrópubúar komu til svæðisins sem nú er Quebec voru fyrir frumbyggjarnir Algonkinar, Írókesar og inúítar og stunduðu þeir veiðar og landbúnað.

Franski landkönnuðurinn Samuel de Champlain sigldi upp Saint Lawrence-fljót árið 1608 og kaus að kalla svæðið Quebec (úr frumbyggjamáli) þar sem hann hafðist við. Frakkar hófu að flytjast á svæðið í stórum stíl og var sambúð þeirra við frumbyggja yfirleitt gott. Frumbyggjar seldu Frökkum dýraskinn og Frakkar seldu þeim nútímavörur þess tíma; föt, byssur, föt og málmhluti. Svæðið var nefnt Nýja-Frakkland og var undir Frakkakonungi árið 1663.

George Washington leiddi Bandaríkjamenn í að reynda að sölsa undir sig landssvæði um miðja 18. öld en tilraunin misheppnaðist. Síðar, árið 1763 varð svæðið hluti af breska héraðinu Kanada. Það var eftir Sjö ára stríðið þar sem Frakkar lutu í lægra haldi. Árið 1791 var svæðinu skipt í neðra-(Ontaríó) og efra Kanada (Quebec). En árið 1867 urðu þessi svæði að núverandi fylkjunum Quebec og Ontaríó.

Um 6000 manns tóku þátt í fyrri heimstyrjöld frá Quebec en það þótti þó óvinsælt að taka þátt í hernaðinum. Ríkari átttaka var í seinni heimstyrjöldinna af hendi Quebec-búa.

Eftir stríð var íhaldsstjórn Maurice Duplessis með stuðningi kaþólsku kirkjunnar. Pierre Trudeau myndaði bandalag frjálslyndra gegn þeirri stjórn og Þögla byltingin svokallaða kallaði á breytingar. Áhrif kirkjunnar minnkuðu og einnig umsvif enskumælandi viðskiptamanna. Árið 1963 hóf hreyfingin Front de libération du Québec (FLQ) áróðurs- og hryðjuverkastarfsemi sem beindist að enskumælandi stofnunum. Árið 1977 komst flokkurinn Parti Québécois til valda og hann lýsti frönsku sem eina opinbera tungumálið í fylkinu. Árin 1980 og 1995 hélt flokkurinn þjóðaratkvæðisgreiðslu um sjálfstæði Quebec. Því var hafnað og seinna skiptið munaði litlu (50.6 sögðu nei og 49.4% já).

Samfélag[breyta | breyta frumkóða]

Höfuðborgin er Québecborg (einfaldlega kölluð „Québec“ á frönsku) og stærsta borgin er Montréal. Um 8,2 milljónir búa í fylkinu (2016). Þetta er um 24% af íbúafjölda Kanada. Aðrar stærri borgir eru Gatineau, Sherbrooke, Saguenay og Trois Rivieres. Flestir íbúarnir búa á svæði nálægt Saint Lawrence-fljóti milli borganna Montreal og Quebec. Norður-Quebec er strjálbýlt og aðallega byggt frumbyggjum.

Aðaltungumál Quebec og eina opinbera tungumálið er franska og býr þar meginhluti frönskumælandi íbúa Norður-Ameríku. Quebec er eina fylkið þar sem enska er ekki opinbert tungumál, og aðeins eitt af þremur fylkjum þar sem að franska er opinbert tungumál (hin tvö eru New Brunswick og Manitoba).

Þjónustugeirinn er mikilvægastur í atvinnulífinu eins og í öðrum þróuðum löndum. Þekkingargeirinn er einn af þeim leiðandi í heiminum: Líftækni, flugvélaiðnaður og lyfjaiðnaður til að mynda. Náttúruauðlindir eru einnig mikilvægar efnahagslega, náma- og pappírsvinnsla, landbúnaður, matarvinnsla og fiskveiðar. Quebec er fjórði stærsti raforkuframleiðandi í heimi eftir Kína, Brasilíu og Bandaríkjunum.

Flestir íbúanna líta á sig sem Kanadabúa (60%) og þar á eftir franska (29%). Tölur frá 2001 sýna að um 90% íbúa líta á sig sem kristna, þar af 83% kaþólska. 78% hafa frönsku að móðurmáli en 94% geta talað tungumálið (2011). Tæplega 8% eru með ensku sem móðurmál. 43% segjast vera tvítyngdir.

Tenglar[breyta | breyta frumkóða]


Heimild[breyta | breyta frumkóða]

Wikimedia Commons er með margmiðlunarefni sem tengist

Fyrirmynd greinarinnar var „Québec“ á ensku útgáfu Wikipedia. Sótt 14. feb. 2017.


Svæði í Quebec Fáni Quebec

Abitibi-Témiscamingue | Bas-Saint-Laurent | Capitale-Nationale | Centre-du-Québec | Chaudière-Appalaches | Côte-Nord | Estrie | Gaspésie–Îles-de-la-Madeleine | Lanaudière | Laurentides | Laval | Mauricie | Montérégie | Montréal | Nord-du-Québec | Outaouais | Saguenay–Lac-Saint-Jean

Sjá einnig sveitarfélög í Quebec