Vjatsjeslav Molotov

Úr Wikipediu, frjálsa alfræðiritinu
Jump to navigation Jump to search
Vjatsjeslav Molotov
Вячесла́в Мо́лотов
Vyacheslav Molotov Anefo.jpg
Formaður þjóðfulltrúaráðs Sovétríkjanna
Í embætti
19. desember 1930 – 6. maí 1941
Persónulegar upplýsingar
Fæddur9. mars 1890
Kukarka, rússneska keisaradæminu
Látinn8. nóvember 1986 Moskva í Sovétríkjunum
MakiPolina Zhemchuzhina
StarfStjórnmálamaður, ríkiserindreki
Undirskrift

Vjatseslav Mikhailovitsj Molotov (Вячесла́в Миха́йлович Мо́лотов á kyrillísku letri)[1] fæddur undir nafninu Skryabin (Скря́бин) (9. mars 1890 – 8. nóvember 1986)[2] var sovéskur stjórnmálamaður og erindreki úr flokki Bolsévika. Hann var einn af helstu valdamönnum Sovétríkjanna frá þriðja áratugnum en þá komst hann til metorða sem fylgismaður Jósefs Stalín. Molotov varð Formaður þjóðfulltrúaráðs (þ.e.a.s. forsætisráðherra) Sovétríkjanna frá 1930 til 1941 og utanríkisráðherra frá 1939 til 1941 og aftur 1953 til 1956. Hann var aðstoðarforsætisráðherra frá 1942 til 1957 en þá var hann leystur frá störfum af undirlagi Nikita Krústsjov. Molotov settist í helgan stein árið 1961 og hafði þá verið lítið sýnilegur í sovéskum stjórnmálum í nokkur ár.

Molotov var fulltrúi Sovétríkjanna við undirritun griðasáttmála þeirra við Þýskaland nasismans árið 1939. Samningurinn var kallaður Molotov-Ribbentrop-sáttmálinn í höfuðið á Molotov og Joachim von Ribbentrop utanríkisráðherra Þjóðverja. Í leynilegum viðauka sáttmálans var samið um að Póllandi yrði skipt á milli Þýskalands og Sovétríkjanna. Molotov vissi á þessum tíma um fjöldamorð Sovétmanna við Katyn sem framin voru eftir innrásina í Pólland árið 1940.

Eftir seinni heimsstyrjöldina tók Molotov þátt í samningaviðræðum við bandamenn og varð þar rómaður fyrir samningahæfni sína. Hann varð áfram helsti ríkiserindreki Sovétmanna til ársins 1949 en þá féll hann úr náð Stalíns og var leystur frá störfum sem utanríkisráðherra. Samband hans við Stalín varð æ kaldara þegar Stalín gagnrýndi hann í ræðu á 19. flokksþingi sovéska kommúnistaflokksins. Eftir dauða Stalíns var Molotov þó svarinn andstæðingur af-Stalínvæðingar Krústsjovs. Molotov varði stefnumál og arfleifð Stalíntímans þar til hann lést árið 1986 og gagnrýndi eftirmenn Stalíns harkalega, sérstaklega Krústsjov.

Tilvísanir[breyta | breyta frumkóða]

  1. "Molotov". Random House Webster's Unabridged Dictionary.
  2. Profile of Vyacheslav Molotov
Wikimedia Commons er með margmiðlunarefni sem tengist


Fyrirrennari:
Nikolaj Krestinskij
Ábyrgðarritari rússneska kommúnistaflokksins
(16. apríl 19213. apríl 1922)
Eftirmaður:
Jósef Stalín
(sem aðalritari sovéska kommúnistaflokksins)
Fyrirrennari:
Alexei Rykov
Formaður þjóðfulltrúaráðs Sovétríkjanna
(19. desember 19306. maí 1941)
Eftirmaður:
Jósef Stalín