Fyrsta konungsættin

Fyrsta konungsættin er listi yfir fyrstu konungana sem ríktu yfir sameinuðu Egyptalandi á 31. öld f.Kr. Höfuðborg ríkisins var í Tinis sem ekki er vitað hvar stóð. Upplýsingar um þessa konungsætt er að finna á nokkrum minnismerkjum og hlutum þar sem nöfn konunga eru rituð. Þekktastur þessara hluta er Narmerspjaldið. Engar nákvæmar heimildir eru til um fyrstu tvær konungsættirnar nema listar sem eru á Palermósteininum frá tímum fimmtu konungsættarinnar.

Narmerspjaldið er talið sýna Narmer sameina Efra og Neðra Egyptaland.

Grafir konunga og aðalsmanna frá þessum tíma er að finna í Abýdos, Nakada og Sakkara. Þær eru að mestu byggðar úr tré og leirhleðslum.

Fyrsta konungsættin

Nafn	Athugasemdir	Ártöl
Narmer	-	um 3100–3050 f.Kr.
Hor-Aha	Menes í eldri listum	um 3050 f.Kr.
Djer	-	41 ár (Palermósteinninn)
Merneið	Ríkisstjóri fyrir Den.	-
Djet	-	-
Den	-	14 til 50 ár
Anedjib	-	10 ár (Palermósteinninn)
Semerket	-	9 ár (Palermósteinninn)
Káa	-	2916?–2890 f.Kr.