Bosníska
| Bosníska bosanski босански | ||
|---|---|---|
| Málsvæði | Bosnía og Hersegóvína, Króatía, Kosóvó, Serbía, Svartfjallaland, Makedónía, Slóvenía | |
| Heimshluti | Balkanskagi | |
| Fjöldi málhafa | 2,5–3,5 milljónir | |
| Ætt | Indóevrópskt Baltóslavneskt | |
| Skrifletur | Latneskt stafróf Kýrillískt stafróf | |
| Opinber staða | ||
| Opinbert tungumál |
 Bosnía og Hersegóvína Serbía Svartfjallaland Makedónía Króatía Slóvenía Kosóvó | |
| Tungumálakóðar | ||
| ISO 639-1 | bs | |
| ISO 639-2 | bos | |
| ISO 639-3 | bos | |
| ATH: Þessi grein gæti innihaldið hljóðfræðitákn úr alþjóðlega hljóðstafrófinu í Unicode. | ||
Bosníska (bosanski / босански) er serbokróatísk mállýska og þjóðtunga Bosníaka. Bosníska er eitt af þremur opinberum málum í Bosníu og Hersegovínu: hin tvö eru króatíska og serbneska. Bosníska er jafnframt viðurkennt minnihlutamál í Serbíu, Svartfjallalandi og Kosóvó.
Bosnísku má rita bæði með latnesku letri og kýrillísku, en latneskt letur er notað oftar í daglegu lífi. Bosníska sker sig úr samanborið við aðrar serbókróatískar mállýskur með miklum fjölda tökuorða úr arabísku, ottómantyrknesku og persnesku vegna sterkra tengsla við þessa múslímamenningarheima.
Bosníski staðallinn er byggður á útbreiddustu serbokróatískri mállýskunni, stókavísku, sem er einnig grunnurinn að króatísku, serbnesku og svartfellsku. Fyrir upplausn Júgóslavíu var lítið á þessi mál sem eitt tungumál. Frá málvísindalegu sjónarhorni er enn lítið á þau sem eitt mál, serbókróatísku, en þetta sjónarmið er umdeilt meðal innfæddra málhafa.
