Ragnheiður Elín Árnadóttir

Ragnheiður E. Árnadóttir (REÁ)
Fæðingardagur:	30. september 1967 (1967-09-30)
Flokkur:	Sjálfstæðis­flokkurinn
Þingsetutímabil
2007-2009	í Suðvest. fyrir Sjálfstfl. ✽
2009	í Suðvest. fyrir Sjálfstfl.
2009-2013	í Suðurk. fyrir Sjálfstfl.
2013-2016	í Suðurk. fyrir Sjálfstfl. ✽
✽ = stjórnarsinni
Embætti
2007-2009	Formaður Íslandsdeildar NATO-þingsins
2010-2012	þingflokksformaður
2013-2017	Iðnaðar- og viðskiptaráðherra
Tenglar
Æviágrip á vef Alþingis

Ragnheiður Elín Árnadóttir (f. 30. september 1967) er fyrrum iðnaðar- og viðskiptaráðherra, og var oddviti Sjálfstæðisflokksins í Suðurkjördæmi á árunum 2009-2016.

Ragnheiður Elín er fædd og uppalin í Keflavík. Hún lauk stúdenstprófi frá Kvennaskólanum í Reykjavík árið 1987. Hún fékk bestu einkunnina af þeim sem útskrifuðust.[1] Hún lauk BA-prófi í stjórnmálafræði Háskóla Íslands 1991 og MS-próf í alþjóðasamskiptum frá Georgetown University í Bandaríkjunum. Á árunum 1995-1998 starfaði hún fyrir Útflutningsráð Íslands, þar af 1996-1997 í New York. Hún var aðstoðarmaður Geirs H. Haarde á árunum 1998-2007 sem fjármála-, utanríkis- og forsætisráðherra. Ragnheiður sat í nefnd þeirri sem samdi um brottflutning varnarliðsins frá Keflavíkurstöðinni. [2]

Ragnheiður Elín átti sæti á Alþingi á árunum 2007-2016, 2007-2009 fyrir Suðvesturkjördæmi en síðan fyrir Suðurkjördæmi. Ragnheiður Elín var þingflokksformaður Sjálfstæðisflokksins 2010-2012 og var iðnaðar- og viðskiptaráðherra í ríkisstjórn Sjálfstæðisflokks og Framsóknarflokks 2013-2017.

Tenglar

• Þingmenn Sjálfstæðisflokksins - Ragnheiður E. Árnadóttir Geymt 6 nóvember 2011 í Wayback Machine
• Var aðstoðarmaður í átta ár Geymt 13 júní 2013 í Wayback Machine, Viðskiptablaðið 9. júní 2013