Briggskip

Teikning af briggskipinu USS Bainbridge sem var smíðað árið 1842.

Briggskip er tvímastra seglskip með rásegl á báðum möstrum, auk stagsegla og hugsanlega gaffalsegls á aftara mastrinu. Þessi tegund skipa kom fram um miðja 18. öld og var algeng fram á seinni hluta 19. aldar. Briggskip voru meðal algengustu kaupskipa á 18. öld þar sem þau voru afar hraðskreið þegar þau höfðu meðbyr. Til dæmis notuðu Danir þau mikið til að sigla til Indlands, Íslands og Grænlands.

Nafnið er úr ensku og er dregið af nafni annarrar tegundar seglskipa; brigantínu.

Tilvísanir

  Þessi skipagrein er stubbur. Þú getur hjálpað til með því að bæta við greinina.