Ólafur digri

Mynd af Ólafi helga í Överselo-kirkju í Svíþjóð

Ólafur Haraldsson (einnig Ólafur digri og síðar Ólafur helgi; 995 – 29. júlí 1030) var konungur Noregs 1015-1028.

Ólafur kynntist kristnum sið í víkingaferðum og lét skírast í Rúðuborg í Frakklandi. Hann sneri aftur til Noregs og sameinaði landið með hernaði og samningum og lét krýna sig til konungs yfir öllum Noregi. Norskir ættarhöfðingjar gerðu uppreisn gegn honum í nafni Knúts ríka, Danakonungs. Ólafur flúði til Garðaríkis og leitaði hælis hjá Jarisleifi konungi sem kvæntur var systur hans. Hann reyndi að ná völdum aftur en féll 29. júlí 1030 í Stiklastaðarbardaga. Ólafur helgi var jarðsettur í Þrándheimi.

Ólafur er á myndum sýndur í herklæðum með ríkisepli, veldissprota og bikar - bryntröll og stríðsöxi sem voru þau vopn sem urðu honum að bana. Undir fótum hans liggur oft dreki með mannshöfuð og kórónu sem tákn um hina sigruðu heiðni.

Tenglar

• Borrelli, Antonio @ Santi, beati e testimoni: Sant' Olav. Skoðað 8. september 2010.
• Ólafs saga helga hjá Netútgáfunni.
• Ólafs saga helga á Wikiheimild (upphaflega fengin frá Netútgáfunni).
• Müller, séra Olav @ Den Katolske Kirke i Norge: Olav den Hellige. Skoðað 8. september 2010.

Fyrirrennari: Sveinn tjúguskegg (Eiríkur jarl) (Sveinn jarl)

Konungur Noregs (1015 – 1028)

Eftirmaður: Knútur ríki (Hákon jarl)

  Þetta æviágrip sem tengist sögu og Noregi er stubbur. Þú getur hjálpað til með því að bæta við greinina.