Margrét Þórhildur

Drottning Danmerkur Lukkuborgarar
Margrét 2.
Ríkisár	14. janúar 1972 – 14. janúar 2024
Skírnarnafn	Margrethe Alexandrine Þórhildur Ingrid Ættarnafn: Glücksburg
Kjörorð	Guds hjælp, folkets kærlighed, Danmarks styrke.
Fædd	16. apríl 1940 (1940-04-16)
	Amalíuborgarhöll í Kaupmannahöfn
Konungsfjölskyldan
Faðir	Friðrik 9. Danakonungur
Móðir	Ingiríður Danadrottning
Eiginmaður	Henri Marie Jean André greifi af Laborde og Monpezat
Börn	Friðrik 10. Danakonungur (f. 1968) Jóakim (f. 1969)

Margrét Þórhildur eða Margrét 2. (Margrethe Alexandrine Þórhildur Ingrid) (fædd 16. apríl 1940) er fyrrverandi drottning og þjóðhöfðingi konungdæmisins Danmerkur. Hún er dóttir Friðriks 9. konungs (1899-1972) sem var krónprins þegar hún fæddist og Ingiríðar drottningar (1910-2000).

Eitt nafna hennar, Þórhildur, er íslenskt og er skrifað með bókstöfum sem ekki koma fyrir í danska stafrófinu. Ástæða þess, að hún hlaut íslenskt nafn í stað danskrar útgáfu nafnsins (Torhild) er að Kristján 10., afi hennar, var konungur konungsríkisins Íslands þegar hún fæddist.

Margrét Þórhildur var gift Hinrik (Henri Marie Jean André greifi af Laborde og Monpezat) (fæddur 11. júní 1934, dáinn 13. febrúar 2018) og eignuðust þau tvo syni: Friðrik krónprins og Jóakim.

Drottningin hefur fengist við ýmsa listsköpun og haldið sýningar á verkum sínum.

Á gamlársdag árið 2023 tilkynnti Margrét Þórhildur að hún hygðist segja af sér. Hún steig formlega til hliðar þann 14. janúar 2024 og elsti sonur hennar varð konungur undir nafninu Friðrik 10..

Heimildir

• Hendes Majestæt Dronningen @ Kongehuset Geymt 19 október 2012 í Wayback Machine. Skoðað 17. október 2010.

Tilvísanir

Fyrirrennari: Friðrik 9.

Danadrottning (1972 – 2024)

Eftirmaður: Friðrik 10.

  Þetta æviágrip sem tengist sögu og Danmörku er stubbur. Þú getur hjálpað til með því að bæta við greinina.