1669

Ár

1666 1667 1668 – 1669 – 1670 1671 1672

Áratugir

1651-1660 – 1661-1670 – 1671-1680

Aldir

16. öldin – 17. öldin – 18. öldin

Árið 1669 (MDCLXIX í rómverskum tölum) var 69. ár 17. aldar sem hófst á þriðjudegi samkvæmt gregoríska tímatalinu en föstudegi samkvæmt júlíska tímatalinu sem er tíu dögum á eftir.

Atburðir

Málverkið Gullgerðarmaðurinn leitar að viskusteininum eftir Joseph Wright (1771) sýnir Henning Brand uppgötva fosfór.

• 11. mars - Etna gaus og eyðilagði bæinn Nicolosi þar sem 20.000 manns létust.
• 31. maí - Samuel Pepys ritaði síðustu færsluna í dagbók sína.
• 4. september - Bærinn Candia (nú Iraklion) á Krít gafst upp fyrir Tyrkjaveldi eftir tuttugu ára umsátur.

Ódagsettir atburðir

• Á Íslandi var veturinn nefndur hestabani eða hestavetur.
• Galdramál: Erlendur Eyjólfsson og Jón Leifsson voru brenndir á báli fyrir galdra, Jón fyrir að hafa valdið veikindum presthjónanna í Selárdal og Erlendur fyrir að hafa kennt Jóni galdur.
• Rasmus Bartholin gaf út ritgerð um tilraunir sínar á silfurbergi, frá Helgustöðum við Reyðarfjörð; Experimenta crystalli islandici disdiaclastici quibus mira & insolita refractio detegitur.
• Hansasambandið sem stofnað var á 12. öld hélt sinn síðasta formlega fund.
• Bygging Soffíu Amalíuborgar hófst í Kaupmannahöfn.
• Henning Brand uppgötvaði fosfór.
• Antonio Stradivari smíðaði sína fyrstu fiðlu.
• Þrjár milljónir létust í hungursneyð í Bengal.
• Sænskir landnemar stofnuðu bæinn Philadelphia í Nýja heiminum.
• Mógúlkeisarinn Aurangzeb lét eyðileggja nokkur hindúahof og bannaði trúna með þeim afleiðingum að hindúar gerðu uppreisn.

Fædd

Ódagsett

• Susanna Wesley, „móðir meþódismans“ (d. 1742).

Dáin

• 16. maí - Pietro da Cortona, ítalskur listmálari (f. 1596).
• 10. september - Henríetta María Englandsdrottning (f. 1609).
• 4. október - Rembrandt, hollenskur listmálari (f. 1606).
• 9. desember - Klemens 9. páfi (f. 1600).

Opinberar aftökur

• Tekinn af lífi í Nesskógi, Vestur-Húnavatnssýslu, Erlendur Eyjólfsson, með brennu, fyrir galdra. Erlendur var sagður „skólameistari Jóns í þessari vondu kunst“, þ.e. Jóns Leifssonar, sem brenndur var árið áður.