Haryana

Úr Wikipediu, frjálsa alfræðiritinu
Stökkva á: flakk, leita
Kort sem sýnir Haryana

Haryana er fylki á Norður-Indlandi. Það tilheyrði áður Púnjab en var aðskilið árið 1966 þegar Púnjab var skipt upp á grundvelli tungumála; íbúar Haryana tala Haryanvi sem er mállýska hindí. Tæp 90% íbúa eru hindúatrúar og fornir hindúasiðir eins og jóga og vedískar möntrur lifa þar enn góðu lífi. Höfuðstaður fylkisins er tilbúna borgin Chandigarh en stærsta borgin er Faridabad. Íbúar fylkisins eru um 25 milljónir.

Haryana var hluti af fornaldarríkinu Kuru. Það var hluti af Soldánsdæminu Delí á miðöldum, eða þar til Mógúlveldið lagði soldánsdæmið undir sig á 16. öld. Þegar Marattaveldið reis gegn Mógúlveldinu varð Haryana hluti af því. Árið 1803 fékk Breska Austur-Indíafélagið yfirráð yfir héraðinu eftir sigur þess á Marattaveldinu í Öðru stríði Englands og Marattaveldisins.

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.