Arion banki

Úr Wikipediu, frjálsa alfræðiritinu
Jump to navigation Jump to search
Arion banki hf.
Arion banki - logo.png
Rekstrarform hlutafélag
Slagorð Óþekkt
Hjáheiti Óþekkt
Stofnað 2008
Stofnandi Óþekkt
Örlög Óþekkt
Staðsetning Reykjavík, Ísland
Lykilmenn Höskuldur H. Ólafsson, bankastjóri
Eva Cederbalk, stjórnarformaður
Starfsemi Bankastarfsemi
Heildareignir Óþekkt
Tekjur Óþekkt
Hagnaður f. skatta Óþekkt
Hagnaður e. skatta Óþekkt
Eiginfjárhlutfall Óþekkt
Móðurfyrirtæki Óþekkt
Dótturfyrirtæki Óþekkt
Starfsmenn Óþekkt
Vefsíða www.arionbanki.is

Arion banki er íslenskur banki sem veitir þjónustu til einstaklinga, fyrirtækja og fjárfesta. Bankinn er með útibú um land allt auk stafrænnar þjónustu á vef bankans, netbanka og appi. Bankinn var stofnaður undir nafninu Nýi Kaupþing banki árið 2008 en fékk nafnið Arion banki í nóvember 2009. Rætur Arion banka ná þó aftur til ársins 1930 þegar Búnaðarbanki Íslands tók til starfa.

Höskuldur H. Ólafsson hefur verið bankastjóri Arion banka frá árinu 2010.

Stefna[breyta | breyta frumkóða]

Í stefnu Arion banka segir að áhersla bankans sé á viðskiptasamband til langs tíma með því að bjóða framúrskarandi þjónustu og sérsniðnar lausnir. Bankinn starfar á höfuðborgarsvæðinu og í stærstu byggðakjörnum landsins. Helstu þættir starfseminnar fara fram á viðskiptabankasviði, fyrirtækjasviði, fjárfestingarbankasviði og eignastýringarsviði.

  • Viðskiptabankasvið veitir einstaklingum og smærri fyrirtækjum landsins alhliða fjármálaþjónustu, m.a. ráðgjöf um innlán, útlán, þjónustuleiðir, sparnað, greiðslukort, lífeyrissparnað, tryggingar, verðbréf og sjóði.
  • Fyrirtækjasvið veitir stærri fyrirtækjum landsins alhliða fjármálaþjónustu sem sniðin er að þörfum hvers viðskiptavinar. Sviðið veitir m.a. úrval ávöxtunarleiða, fjármögnun, faktoring, fjárstýringu og innheimtuþjónustu auk netbanka fyrir fyrirtæki.
  • Fjárfestingarbankasvið samanstendur af fyrirtækjaráðgjöf, markaðsviðskiptum og greiningardeild. Sviðið veitir víðtæka ráðgjöf og þjónustu í tengslum við fjárhagslega umbreytingu fyrirtækja á innlendum og erlendum vettvangi. Markaðsviðsviðskipti sjá um miðlun verðbréfa, gjaldeyris og afleiða fyrir viðskiptavini bankans á innlendum og erlendum mörkuðum. Greiningardeild fjallar um íslenskt efnahagslíf og spáir í framvindu efnahagsmála, þróun hagstærða og afkomu félaga og atvinnugreina. Regluleg umfjöllunarefni eru t.d. vextir, gengi krónunnar, fasteignamarkaðurinn, verðbólga og annað sem hæst ber hverju sinni.
  • Eignastýringarsvið skiptist í einkabankaþjónustu, fjárfestingarþjónustu, rekstur lífeyrissjóða og eignastýringu fagfjárfesta. Sér um að ávaxta fjármuni fyrir viðskiptavini hvort sem um er að ræða lífeyrissparnað, reglulegan sparnað í sjóðum, fjárfestingar í sjóðum eða stýringu á eignasafni. Rekur lífeyrissjóði sem taka bæði á móti viðbótarlífeyrissparnaði og skyldulífeyrissparnaði.

Tenglar[breyta | breyta frumkóða]

  Þessi fyrirtækjagrein sem tengist Íslandi er stubbur. Þú getur hjálpað til með því að bæta við greinina.