Anhui

Kort af legu Anhui héraðs í austurhluta Kína.

Anhui (kínverska: 安徽; rómönskun: Ānhuī) er landlukt hérað í austurhluta Alþýðulýðveldisins Kína. Höfuðborg héraðsins og jafnframt stærsta borg þess er Hefei. Héraðið er við vatnasvæði Jangtse fljótsins (Bláá) og Huaifljóts og liggur að héruðunum Jiangsu í austri, Zhejiang í suðaustri, Jiangxi í suðri, Hubei í suðvestri, Henan í norðvestri og Shandong í norðri.

Anhui er þéttbýlt, með um 61 milljónir íbúa og er 8. fjölmennasta hérað Kína. Íbúar þess eru einkum Han Kínverjar. Í héraðinu eru 16 borgir. Þrjár stærstu eru Hefei, Wuhu og Anqing.

Nafnið „Anhui“ er dregið af nöfnum tveggja borga: Anqing og Huizhou (nú Huangshan-borg).

Hinn fagri Huangshan-fjallgarður („Gulufjöll“) í suðurhluta Anhui -héraðs nær yfir 154 ferkílómetra svæði og eru tindar hans 72 að tölu. Þrír helstu tindarnir heita Lian Hua Feng (1.864 metrar), Guang Ming Ding (1.840 metrar), og Tian Du Feng (1.829 metrar). Í skýjuðu veðri eru tindarnir umluktir leyndardómsfullri skýjaþoku en þegar sólin skín birtist fjallgarðurinn í allri sinni dýrð. Árið 1990 var Gulafjall sett á heimsminjaskrá UNESCO. Huangshan-fjallgarðurinn varð fyrirmynd hinum fljótandi Hallelújafjöllum í kvikmyndinni Avatar sem gerð var árið 2009. Í vísindaskáldskapnum voru Hallelújafjöll í Pandoru, lífvænlegs tungls gasplánetu í Alpha Century stjörnukerfinu.

Tenglar

• Enskur vefur héraðsstjórnar Anhui. Geymt 7 október 2015 í Wayback Machine Inniheldur ýmsar upplýsingar t.d. um sögu, skipulag og ferðaþjónustu

Heimildir

• Fyrirmynd greinarinnar var „Anhui“ á ensku útgáfu Wikipedia. Sótt 11. janúar 2021.

Tilvísanir

  Þessi landafræðigrein er stubbur. Þú getur hjálpað til með því að bæta við greinina.