Fyrir tímabilið misstu Akureyringar einn sinn besta knattspyrnumann, Jakob Jakobsson, í bílslysi í Erlangen, Þýskalandi þar sem hann var við tannlæknanám. Hann var á leið heim með hjónunum sem hann bjó hjá er húsráðandinn missti stjórn á bifreið sinni og keyrði á vegg. Hann átti aðeins ár eftir af námi sínu og lést 26 ára. Jakob var sonur Jakobs Gíslasonar sem lék knattspyrnu víða og varð m.a. Íslandsmeistari með KR 1927.
