2. deild karla í knattspyrnu 1957

Í þriðja skiptið var leikið í 2. deild karla í knattspyrnu, árið 1957.

Keflavík vann mótið að þessu sinni, en það var eftir langt kærumál gegn ÍBÍ.

Norðurriðill

Í Norðurlandsriðli lék einungis eitt lið, ÍBÍ, og vann því án keppni. Reiknað var með liðum frá Eyjafirði, Skagafirði, Húsavík, Siglufirði og jafnvel víðar en ekki varð af því, UÍA (Ungmenna- og íþróttasamband Austurlands) skráði sig til leiks en hætti svo við.

Sæti		Félag	L	U	J	T	Sk	Fe	Mm	Stig	Athugasemdir
1		ÍBÍ	0	0	0	0	0	0	+0	0	Í umspil

Suðurriðill

Í Suðurlandsriðlinum léku 6 lið, ÍBV, Keflavík, Breiðablik, Þróttur, Víkingur og Reynir en Reynisliðið var samsett af leikmönnum úr Sandgerði og af Keflavíkurflugvelli.

Sæti		Félag	L	U	J	T	Sk	Fe	Mm	Stig	Athugasemdir
1		Keflavík	5	5	0	0	20	1	+19	10	Í umspil
2		Þróttur	5	4	0	1	14	5	+9	8
3		Reynir	5	3	0	2	17	10	+7	6
4		Víkingur	5	1	1	3	10	10	+0	3
5		ÍBV	4	0	1	3	5	20	-15	1
6		Breiðablik	4	0	0	4	3	23	-20	0

Úrslitaleikur

Úrslitaleikurinn var leikinn á milli Keflavíkur og ÍBÍ. Leikurinn endaði 1-1 og fól KSÍ Ísfirðingum að sjá um nýjan leik. Þeir gerðu það og settu leikinn á hinn 15. september. Keflvíkingum fannst fyrirvarinn of stuttur og einnig fannst þeim það ósanngjarnt að þurfa að spila á Ísafirði og mættu fyrir vikið ekki til leiks, ekki frekar en dómararnir.

Stjórn ÍBÍ skipaði því dómara, sem gekk inn á völlinn til að flauta leikinn á og svo af og ÍBÍ var dæmdur sigur því Keflvíkingar mættu ekki á tilsettum tíma, en það var héraðsdómstóll ÍBÍ sem dæmdi. Keflvíkingar áfrýjuðu til KSÍ sem ógilti dóm héraðsdómstóls ÍBÍ og gáfu þá útskýringu að láðst hafði að fá staðsetningu leikstaðar og leikdags hjá ÍSÍ, sem ber að gera samkvæmt lögum.

Nýr leikur var settur á en ekki fyrr en næsta sumar, hinn 14. júlí á Melavellinum. Ísfirðingar mættu ekki til leiks og gengu dómarar inn á völlinn og flautuðu leikinn á og síðan af. Ísfirðingar kærðu þetta til ÍSÍ en þeirri kæru var vísað frá. Sagði þar meðal annars:

„Kæran í heild heyrir ekki undir framkvæmdarstjórn ÍSÍ þar sem hún hefur ekki vald til að úrskurða annað en móta- og keppendareglur og áhugamannareglur ÍSÍ, en ekki meint brot á lögum KSÍ eða ÍSÍ“

Keflvíkingar voru því úrskurðaðir sigurvegar 2. deildar. Þeim fannst þó leiðinlegt hvernig málið hafði þróast og sendu bréf til KSÍ þar sem félagið afsalaði sér rétti sínum til að leika í 1. deild karla árið 1958, en KSÍ varð ekki að ósk þeirra.

Fróðleikur

Sigurvegarar 2. deildar 1957
Keflavík Upp í 1. deild

Fyrir: 2. deild 1956

B-deild

Eftir: 2. deild 1958

1. deild karla • Lið í 1. deild karla 2024  Afturelding  • Fjölnir  • Grótta  • Grindavík • Leiknir • Njarðvík   Selfoss  • Þór • ÍA  • Þróttur   • Ægir   • Vestri Leiktímabil í 1. deild karla (1955-2024)  1951 • 1952 • 1953 • •1954• 1955 • 1956 • 1957 • 1958 • 1959 • 1960 • 1961 • 1962 • 1963 • 1964 1965 • 1966 • 1967 • 1968 • 1969 • 1970 • 1971 • 1972 • 1973 • 1974 • 1975 • 1976 • 1977 • 1978 • 1979 • 1980 • 1981 • 1982 • 1983 • 1984 • 1985 • 1986 • 1987 • 1988 • 1989 • 1990 • 1991 • 1992 • 1993 • 1994 • 1995 • 1996 • 1997 • 1998 • 1999 • 2000 • 2001 • 2002 • 2003 • 2004 • 2005 • 2006 • 2007 • 2008 • 2009 • 2010 • 2011 • 2012 • 2013 • 2014 • 2015 • 2016 • 2017 • 2018 • 2020 • 2021 • 2022 • 2023 • 2024 Tengt efni: Mjólkurbikarinn • Lengjubikarinn • Meistarakeppni karla Úrvalsdeild karla • 1. deild • 2. deild • 3. deild • 4. deild ------------------------------------------------­---------------------------------------------- Mjólkurbikarinn kvenna • Lengjubikarinn • Meistarakeppni kvenna Úrvalsdeild kvenna • 1. deild • 2. deild • Deildakerfið • KSÍ