Qaasuitsup

Úr Wikipediu, frjálsa alfræðiritinu
Stökkva á: flakk, leita
Qaasuitsup-sveitarfélagið á Grænlandskortinu

Qaasuitsup (opinbert nafn á grænlensku: Qaasuitsup Kommunia) er sveitarfélag á vestur og norðvestur Grænlandi sem stofnað var 1. janúar 2009.[1]. Það nær yfir byggðarlögin (og samnefnd fyrrverandi sveitarfélög) Kangaatsiaq, Aasiaat, Qasigiannguit, Ilulissat, Qeqertarsuaq, Uummannaq, Upernavik og Qaanaaq ásamt fleiri minni byggðakjörnum. Íbúafjöldi í janúar 2009 var um 18 000.[2] Í Ilulissat er aðsetur sveitarstjórnar og helstu þjónustustofnanna.

Qaasuitsup er 660.000 km² að flatarmáli[3], er það víðfeðmasta sveitarfélag í heimi. Í suðri liggur það að sveitarfélaginu Qeqqata og í suðaustur að sveitarfélaginu Sermersooq. Í norður og norðaustur liggur það að Þjóðgarði Grænlands.

Suðurströnd Qaasuisup liggur við Diskó-flóa, sem gengur inn af Baffins flóa. Lengsti hluti strandarinnar liggur að Melville-flóa. Í norðvestri í grennd við Qaanaaq og Siorapaluk tekur Nares-sund við en það aðskilur Grænland frá Ellismere-eyju í Kanada.

Tilvísanir[breyta]

  1. Landstingslov nr. 15 af 5. december 2008 om Grønlands inddeling i landsdele og kommunet | http://www.lovgivning.gl/gh.gl-love/dk/2008/ltl/ltl_nr_15-2008_kom_inddel/ltl_nr_15-2008_dk.htm
  2. kanukoka.gl
  3. [Kanukoka sameiginlegur vefur grænlensku sveitarfélagana http://www.kanukoka.gl/12630]

Ítarefni[breyta]