Ammassalik

Bærinn Tasiilaq á Ammassalik.

Ammassalik (áður Kong Oscars Ø) er eyja og þéttbýlissvæði á austurströnd Grænlands. Áður voru Ammassalik og nærliggjandi eyjar í sérstöku sveitarfélagi, en nú eru þau hluti af sveitarfélaginu Sermersooq. Árið 2005 voru samanlagt 3018 íbúar í sveitarfélaginu Ammassalik: 1852 í aðalbyggðinni Tasiilaq og 1166 í fimm minni nágrannabyggðum; Kuummiit, Kulusuk, Tineteqilaaq, Sermiligaaq og Isortoq. Ammassalik er 772 km² að stærð og stendur við mynni Ammasalikfjarðar.

Air Greenland flýgur oft í viku til Kulusuk frá Kangerlussuaq og Nerlerit Inaat. Icelandair flýgur einnig frá Reykjavík til Kulusuk.

Í Tasiilaq er Ammassalik-safnið til húsa í gömlu kirkjubyggingunni. Það var opnað 1990 og geymir minjar um mannlíf á Austur-Grænlandi.

  Þessi grein er stubbur. Þú getur hjálpað til með því að bæta við greinina.