Qasigiannguit

Qasigiannguit árið 2014.

Qasigiannguit (áður Christianshåb) er byggðarlag á Vestur-Grænlandi við suðvesturströnd Diskóflóa með um 1200 (2013) íbúa og er hluti af sveitarfélaginu Avannaata. Til eru dæmi um að Qasigiannguit hafi verið nefnt „Kristjánsvon“ á íslensku.

Saga

Grænlenska nafnið þýðir „litli flekkótti rostungurinn“. Árið 1734 stofnaði danski kaupmaðurinn Jacob Severin verslunarstöð skammt sunnan við núverandi bæjarstæði og nefndi hana í höfuðið á Kristjáni 6. Danakonungi. Severin hafði einkarétt á verslun við Grænlendinga fram til 1749. Árið 1739 kom til bardaga milli danskra og hollenskra kaupmanna við Qasigiannguit um verslunaryfirráð. Frá 1736 til 1740 starfaði trúboðinn Poul Egede í Christianshåb. Verslunarstaðurinn var fluttur á núverandi stað 1763 og má enn sjá rústir upphaflegu verslunarstöðvarinnar.

Atvinnulíf

Bæjarbúar vinna aðallega við fiskveiðar og fiskvinnslu. Þar eru aðallega verkuð lúða og krabbar. Fyrir utan fiskinn er vaxandi ferðamennska mikilvæg atvinnugrein.

Tenglar

• Vefsvæði Qasigiannguit Geymt 24 október 2007 í Wayback Machine
• Upplýsingar fyrir ferðamenn Geymt 8 desember 2006 í Wayback Machine
• Sögulegar myndir frá Qasigiannguit Geymt 14 október 2007 í Wayback Machine

  Þessi grein er stubbur. Þú getur hjálpað til með því að bæta við greinina.