1623

Ár

1620 1621 1622 – 1623 – 1624 1625 1626

Áratugir

1611-1620 – 1621-1630 – 1631-1640

Aldir

16. öldin – 17. öldin – 18. öldin

Árið 1623 (MDCXXIII í rómverskum tölum) var 23. ár 17. aldar sem hófst á sunnudegi samkvæmt gregoríska tímatalinu en miðvikudegi samkvæmt júlíska tímatalinu sem er tíu dögum á eftir.

Atburðir

Maximilían 1. lagði Pfalz undir sig með fulltingi keisarans Ferdinands 2. en Friðrik 5. kjörfursti neyddist til að flýja í útlegð.

• 25. febrúar - Maximilían hertogi af Bæjaralandi var skipaður einvaldur í Pfalz.
• 29. apríl - Ellefu hollensk skip lögðu úr höfn og hugðust ná völdum í Perú.
• Júní - Sigurður Jónsson, nýr prestur á Helgafelli í Helgafellssveit brenndi fornar bækur og skjöl Helgafellsklausturs.
• 1. júlí - Regensen („Garður“) í Kaupmannahöfn var vígður.
• 6. ágúst - Maffeo Barberini var kjörinn Úrbanus 8. páfi.

Ódagsettir atburðir

• Síðasta hestavíg eða hestaat á Íslandi haldið í Fnjóskadal.
• Múrað 4. varð Tyrkjasoldán.
• Safavídaríkið náði Bagdad frá Tyrkjum.
• Enski skipstjórinn Thomas Warner kom til Sankti Kristófer og Nevis sem markar upphaf landnáms Englendinga þar.
• Fjórir skipstapar urðu á Suðurnesjum. Þar drukknuðu samtals fjörutíu manns.
• Fyrsta nýlenda Englendinga í New Hampshire, Portsmouth, var stofnuð.
• Wilhelm Schickard fann upp reiknivél sem hann kallaði „reikniklukku“.

Fædd

• 19. júní - Blaise Pascal, franskur stærðfræðingur, eðlisfræðingur og heimspekingur (d. 1662).

Ódagsett

• Margaret Cavendish, enskur heimspekingur, rithöfundur og leikskáld (d. 1673).

Dáin

• 4. júlí - William Byrd, enskt tónskáld (fæddur 1540).
• 8. júlí - Gregoríus 15. páfi (fæddur 1554).
• 9. nóvember - William Camden, enskur sagnaritari (fæddur 1551).