Katy Perry

Katy Perry
Katy Perry á iHeartRadio verðlaununum árið 2019
Fædd	Katheryn Elizabeth Hudson 25. október 1984 (1984-10-25) Santa Barbara, Kalifornía, USA
Störf	Tónlistarmaður, lagahöfundur
Þekkt fyrir	Söngkona
Hæð	1,7
Trú	Kristintrú
Maki	Orlando Bloom
Börn	Daisy Dove Bloom
Foreldrar	Keith Hudson Mary Perry
Vefsíða	katyperry.com

Katheryn Elizabeth Hudson (fædd 25. október 1984, betur þekkt undir listamannsnafninu Katy Perry), er bandarísk söngkona og lagahöfundur. Perry fæddist í Santa Barbara í Kaliforníu og voru foreldrar hennar prestar. Hún ólst upp við að hlusta á gospeltónlist og söng í kirkju sem barn. Eftir að hafa klárað GED-próf fyrsta árið í menntaskóla (e. "highschool") byrjaði hún að vinna að tónlistarferlinum. Hún gaf út sjálftitlaða gospel-plötu árið 2001 undir nafninu Katy Hudson en platan náði engum vinsældum. Hún tók upp plötu og kláraði meirihlutann af sólóplötu á árunum 2004-2005 en hvorug platan kom út.

Eftir að hafa skrifað undir samning við Capitol Music Group árið 2007, fjórða fyrirtækið á sjö árum, fékk hún sér sviðsnafnið Katy Perry og gaf út fyrstu Internet-smáskífuna sína, Ur So Gay, í nóvember sama ár og fékk lagið mikla athygli en lenti ekki á neinum listum. Hún varð fræg þegar hún gaf út aðra smáskífuna sína, I Kissed a Girl árið 2008 sem toppaði alla bandaríska lista. Fyrsta hefðbundna sólóplata Perry, One of the Boys, kom út sama ár og var í 33. sæti yfir best seldu plötur heims árið 2008. Platan fór í platínusölu; I Kissed a Girl og önnur smáskífan, Hot N Cold, fóru báðar í margfalda platínumsölu. Hún varð þekkt fyrir að klæðast óhefðbundnum kjólum, blandi af litum og eldri tísku. Næsta plata hennar, Teenage Dream, kemur út í ágúst 2010.

Perry átti í löngu ástarsambandi við Travis McCoy og var gift leikaranum Russell Brand í 1 ár. Þau skildu árið 2011.

Æska

Katy Perry fæddist sem Katheryn Elizabeth Hudson í Santa Barbara, Kaliforníu. Hún er annað barn foreldra sinna en þau eru bæði prestar. Katy á eldri systur og yngri bróður. Móðir hennar hetir Mary Hudson (áður Perry) og ólst hún upp í S-Kaliforníu. Frænka og frændi Katy í móðurættina voru handrithöfundurinn Eleanor Perry og leikstjórinn Frank Perry. Perry er af portúgölskum og þýskum ættum.

Perry tengdist prestsstörfum foreldra sinna náið. Hún söng í kirkjunni þeirra þegar hún var 9-17 ára. Hún ólst upp við að hlusta á gospeltónlist og var ekki leyft að hlusta á það sem móðir hennar kallaði „veraldlega tónlist“. Perry gekk í kristilega skóla og fór í kristnar sumarbúðir. Sem barn lærði hún að dansa í afþreyingarbúðum á Santa Barbara. Kennararnir voru vel menntaðir og byrjaði hún á að læra swing, Lindí hopp, og jitterbug. Hún tók GED-próf eftir fyrsta árið í menntaskóla og ákvað að hætta í skóla til að láta reyna á feril í tónlist. Perry byrjaði upphaflega að syngja „vegna þess að ég var á þeim tímapunkti í æskunni þar sem ég var að herma eftir systur minni og gerði allt sem hún gerði.“ Systir hennar æfði sig með kasettum og Perry hlustaði á þessar kasettur sjálf þegar systir hennar var ekki heima. Hún æfði lög og flutti þau fyrir foreldra sína sem lögðu til að hún myndi fara í söngtíma. Hún greip tækifærið og byrjaði í tímum 9 ára og hætti 16 ára. Hún skráði sig í tónlistarakademíuna á Santa Barbara og lærði ítalskan óperusöng í stuttan tíma.

Katy Hudson (2001)

Áður en Perry var þekkt undir nafninu "Katy Perry" kenndi hún sig við Katy Hudson.

6. mars 2001 gaf Perry út sína fyrstu stúdíó plötu sem kallaðist "Katy Hudson. Á þessum tíma var Perry óþekkt almenningi en fékk þó ágæt ummæli frá gagnrýnendum. Það var útgáfufélagið "Red Hill Records" sem gaf plötuna út en félagið varð stuttu seinna gjaldþrota. Áður en félagið varð gjaldþrota seldist platan einungis í rúmum 200 eintökum. Platan er með kristilega stefnu og fjallar um trú söngkonunar á Guði.

Eftir að Katy Perry varð þekkt poppstjarna seldist platan í fleirri eintökum.

One of the Boys (2007 - 2009)

Í apríl 2007 skrifaði Katy Perry undir samning við útgáfufélagið Capital Records og fékk þar af leiðandi sviðsnafnið "Katy Perry". Í Nóvember 2007 gaf hún út lagið "Ur so Gay". Capitol Records fékk Dr. Luke og Katy Perry til að vinna saman og unnu þau að mörgum vinsælum lögum á borð við "I Kissed a Girl" og "Hot n Cold".

28. apríl 2008 gaf Katy Perry út sitt fyrsta lag við plötuna One of the Boys sem heitir "I Kissed a Girl". Lagið skaut henni upp á stjörnuhimininn sem poppstjarna en hlaut töluverða gagnrýni af trúfélögum vegna skilaboða í textanum. Laginu gekk hinsvegar vel á vinsældarlistum á náði fyrsta sæti á Billboard 100.

17. júní 2008 gaf hún út sína fyrstu plötu undir nafninu Katy Perry, One of the Boys, og náði hún níunda sæti á Billboard 200 listanum en toppaði vinsældarlista í löndum eins og í Þýskalandi, Kanada, Hollandi og Austurríki. Platan var lengi í undirbúningi og var tekin upp frá árunum 2003 - 2008 en hún hefur verið seld í meira en 7 milljónum eintaka í dag. Í september gaf hún síðan út lagið "Hot n Cold" sem náði einnig miklum vinsældum og náði hæst 9 sæti á Billboard hot 100 listanum. Smáskífurnar "Thinking of You" og "Waking up in Vegas" fylgdu síðan í kjölfarið árið 2009.

Teenage Dream (2010 - 2012)

7. maí 2010 gaf Perry út lagið "California Gurls" með Snoop Dogg út. Lagið var fyrsta smáskífan af plötunni hennar Teenage Dream. Lagið náði miklum vinsældum á var á toppi vinsældarlista víðsvegar um heiminn.

Í júlí gaf hún síðan út lagið "Teenage Dream" sem einnig náði fyrsta sætinu á vinsældarlistum. Platan Teenage Dream skaust beint í fyrsta sæti á Billboard 200 listanum en platan hefur verið seld í meira en 6 milljónum eintaka. Í október gaf Perry út lagið "Firework" sem, eins og hin tvö lögin, náði fyrsta sæti á vinsældarlistum. Þetta var þriðja samfellda lagið sem Katy Perry gaf út sem náði fyrsta sætinu.

16. febrúar 2011 kom lagið "E.T." með Kanye West út. Lagið eyddi næstu fimm vikum í fyrsta sæti vinsældarlistans. Í júní 2011 af hún síðan út lagið "Last Friday Night (T.G.I.F.)". Þetta var fimmta samfellda lagið hennar sem fór í fyrsta sæti á Billboard 100 listanum.

Katy Perry er eina konan sem hefur átt fimm lög af sömu plötunni sem hafa verið í fyrsta sæti á listanum. Aðeins Michael Jackson hefur gert það áður af plötunni hans "Bad". Sjötta smáskífan af plötunni fylgdi í október og náði hún þriðja sæti listans. Þar með hefur hún náð 6 lögum af sömu plötunni í topp 5, þarf af 5 í fyrsta sæti. Aðeins tveir aðrir listamenn hafa náð þessum árangri áður, þau Janet Jackson og George Micheal.

Í kjölfar útgáfu plötunnar hélt Katy Perry í tónleikaferðalag sem stóð frá febrúar 2011 til janúar 2012. Tónleikaferðalagið skilaði 59.5 milljónum dollara í tekjur, um 7,6 milljarðar íslenksra króna.

13. febrúar 2012 gaf útgáfufélag Katy Perry út plötuna Teenage Dream: The Complete Confession. Tvær nýjar smáskífur fylgdu í kjölfarið. "Part of Me" fór beint í fyrsta sæti vinsældarlistans. Lagið "Wide Awake" kom síðar út og komst hæst í annað sæti listans.

Í október 2010 giftist Katy Perry leikaranum Russell Brand. Það hjónaband entist ekki lengi því 14 mánuðum seinna tilkynnti Russell að þau ætluðu að sækja um skilnað.

Prism (2013 - 2015)

Katy Perry byrjaði að vinna að sinni þriðju plötu Prism í nóvember 2012.

Fyrsta smáskífa plötunnar, "Roar", kom út í ágúst árið 2013 og náði fyrsta sæti Billboard listans. Tveim mánuðum seinna kom önnur smáskífa Prism út en hún heitir "Unconditionally" en hún náði 14 sæti vinsældarlistans.

Platan sjálf kom út 18. október 2013 og fékk platan góð viðbrögð frá gagnrýnendum og náði fyrsta sætinu á Billboard 200 listanum.

Í desember 2013 gaf Perry út þriðju smáskífuna af plötunni, hún heitir "Dark Horse". Með henni rappar Juicy J. Lagið var hennar níunda sem náði fyrsta sætinu á Billboard listanum og jafnframt það seinasta, enn sem komið er. Þegar þetta er skrifað (apríl 2021) hafa bæði "Roar" og "Dark Horse" náð yfir þrem milljörðum áhorfa á YouTube.

Árið 2014 fylgdu tvær aðrar smáskífur út, "Birthday" og "This Is How We Do". Náðu bæði þessi lög í top 25 á listanum.

Eftir útgáfu plötunnar hélt Perry í sitt þriðja tónleikaferðalag um heiminn. Næstum því tvær milljónir miða voru seldir á tónleikana. Gróði tónleikana var ekki minna en 204 milljónir dollara. Það nemur rúmum 26 milljörðum íslenskra króna

1. febrúar 2015 var Katy Perry fengin til þess að spila sem hálfleiksatriði í Ofurskálinni. Hún fékk mjög góð viðbrögð fyrir framkomu sína og horfðu meira ein 118 milljónir manna á atriðið hennar. Það eru fleiri manns en horfðu á sjálfan leikinn en það voru 114 milljón manns. Ekkert hálfleiksatriði hefur fengið jafn mikið áhorf og þegar Katy Perry kom fram í sögu Ofurskálarinnar.

Witness (2016 - 2018)

Í júni 2016 byrjaði Perry að semja lög fyrir sína fjórðu plötu. Sama mánuð kom út lagið "Rise" sem var samið fyrir Ólympíuleikana. Lagið var hins vegar ekki partur af komandi plötu. Þetta var hennar fyrsta lag síðan 2014 en lagið náði 11 sæti á Billboard listanum.

10. febrúar 2017 kom fyrsta smáskífa af komandi plötu út, "Chained to The Rhythm" og var rapparinn Skip Marley með henni í laginu. Laginu gekk vel, var spilað yfir 3 milljón sinnum á Spotify á 24 tímum sem var met fyrir mestar spilanir á einum sólarhring eftir konu. Lagið fór hæst í fjórða sæti vinsældarlistans í Bandaríkjunum.

Önnur smáskífan, "Bon Apétit" með Migos kom út í apríl 2017. Tónlistarmyndbandið við lagið fékk mikla gagnrýni en þar sést meðal annars í nýja hárgreiðslu á söngkonunni. Svarta hárið sem hún var með í fyrri plötum var horfið og ný, stutt, hvít hárgreiðsla kom í staðinn. Ekki voru allir ánægðir með þessa breytingu á Perry.

Þriðja smáskífan, "Swish Swish" með Nikci Minaj kom út í mái mánuði. Í tónlistarmyndbandinu má meðal annars sjá vaxtartröllið Hafþór Júlíus halda á Perry á meðan þau spila körfubolta. Lögin "Bon Apétit" og "Swish Swish" náði ekki jafn góðum árangri á vinsældarlistum eins og fyrri lög Perry þar sem hið fyrrnefnda náði 56 sæti og hið síðarnefnda náði 46 sæti.

Fjórða plata Katy Perry, Witness kom út 9. júní 2017 og fékk þónokkra ganrýni frá gangrýnendum. Platan skaust beint í fyrsta sætið á Billboard 200 listanum. Eftir útgáfu plötunnar var Katy Perry með fjögurra daga streymi af sér þar sem hún svaraði spurningum aðdáenda. Streymið endaði með tónleikum þann 12. júní. Hún hóf líka tónleikaferðalag sem hófst í september 2017 og stóð til ágúst 2018.

Katy Perry var með í lagi Calvin Harris, "Feels" sem kom út 15. júní 2017. Ásamt þeim tveim voru þeir Big Sean og Pharrel Williams með í för.

Perry fék samtals 25 milljónir dollara í laun fyrir að vera dómari í næstu seríu af American Idol sem kom út í mars 2018.Snemma árs 2016 byrjaði Perry með leikaranum Orlando Bloom og þau trúlofuðust í febrúar 2019.

Smile (2019 - 2021)

Eftir útgáfu fjórðu plötu Perry, Witness, og ganrýnina sem hún fékk lagðist Perry í þunglyndi. Hún hefur alltaf verið á toppi vinældarlistanna og samkvæmt henni var þetta erfiður tími fyrir hana persónulega. Fimmta plata Perry fjallar um það hvernig hún náði að takast á þunglyndinu og ná aftur fram brosi. Hún vildi koma fram með plötu sem henni þótti skemmtileg og góð. Henni var alveg sama um árangur plötunnar á vinsældarlistunum.

Í janúar 2019 gaf Perry út lagið 365 í samstafi við Zedd. Mánuði seinna var hún partur af remixi við lagið "Con Calma" með Daddy Yankee og Snow.

Í lok mái 2019 gaf Katy Perry út lagið "Never Really Over" og var það vel tekið af gagnrýnendum. Lagið náði 15. sæti billboard listans og var það streymt yfir 15,8 milljón sinnum fyrstu vikuna. Bæði lögin "365" og "Never Really Over" voru á þessum tíma ekki partur af neinni skipulagðri plötu. Seinna meir varð "Never Really Over" hluti af Smile plötunni en 365 varð það ekki.

Í júní 2019 kom Katy Perry fram í tónlistarmyndbandi Taylor Swift við lagið "You Need to Calm Down". Voru þetta mikil tíðindi þar sem söngkonurnar tvær hafa átt í deilum undanfarin ár.

9. ágúst 2019 kom lagið "Small Talk" út en náði það ekki miklum vinsældum meðal almennings og náði það einungis 83. sæti á vinsældarlistanum í Bandaríkjunum. Í október gaf söngkonan síðan út lagið "Harley's in Hawaii" en lagið náði ekki að komast inn á Billboard Hot 100 listan en sat í 10. sæti á Bubbling Under Hot 100 listanum.

Þann 5. mars 2020 gaf Perry út sitt nýjasta tónlistarmynndband við lagið "Never Worn White" Í myndbandinu tilkynnir söngkonan að hún eigi von á sínu fyrsta barni með unnasta sínum Orlando Bloom. "Never Worn White" varð ekki partur af lokaútgáfu plötunnar. Perry og Bloom voru með plan um að gifta sig í Japan um sumarið en sökum heimsfaraldursins varð ekkert úr því.

15. maí 2020 kom fyrsta eiginlega smáskífan af komandi plötu. Lagið hét Daisies en samkvæmt Perry hefði tónlistarmyndbandið átt að vera stærra en það var, en sökum aðstæðna í heiminum var bara unnið með það sem var hægt að vinna með.

Önnur smáskífa af komandi plötu kom út tveim mánuðum seinna og hét lagið "Smile".

Í ágúst 2020 kom síðan platan út, einnig nefnd Smile. Platan fékk mismunandi gagnrýni og komst hæst í 5. sæti á Billboard 200 listanum. Þetta var hennar fyrsta plata sem náði ekki fyrsta sæti síðan One Of The Boys sem náði 9. sæti. Smile er einnig eina Perry þar sem ekkert tónlistarmyndband er hefur fengið meira eitt milljarð áhorf á YouTube. Myndbandið með flest áhorf er við lagið "Never Really Over" og er það með yfir 130 milljón áhorf. Hafa þarf í huga að þetta er nýjasta plata söngkonunnar.

Tveim dögum áður en platan kom út eignaðist Perry sitt fyrsta barn. Dóttir hennar heitir Daisy Dove Bloom.

Í desember 2020 kom smáskífan "It's not the end of the World" út. Leikkonan Zooey Deschanel lék Katy Perry í tónlistarmyndbandinu.

Í janúar 2021 söng Perry lagið sitt "Firework" á innsetingarathöfn Joe Bidens.

Í maí 2021 tilkynnti Katy Perry að hún mun halda átta tónleika frá desember 2021 til 15 janúar 2022 í Las Vegas. Mun þessi tónleikaröð kallast "Play". 13 maí 2021 gaf Perry út lagið "Electric" en lagið er gefið út í tilefni 25 ára afmæli Pokemon.

Smáskífur (e. Singles)

• I Kissed a girl (2008)
• Hot n Cold (2008)
• Thinking of You (2009)
• Waking Up in Vegas (2009)
• California Gurls (með Snoop Dogg) (2010)
• Teenage Dream (2010)
• Firework (2010)
• E.T. (með Kanye West) (2010)
• Last Friday Night (T.G.I.F) (2011)
• The One That Got Away (2011)
• Part of Me (2012)
• Wide Awake (2012)
• Roar (2013)
• Unconditionally (2013)
• Dark Horse (með Juicy J) (2013)
• Birthday (2014)
• This Is How We Do (2014)
• Rise (2016)
• Chained To The Rhythm (með Skip Marley) (2017)
• Bon Appétit (með Migos) (2017)
• Swish Swish (með Nicki Minaj) (2017)
• Hey Hey Hey (2017)
• Cozy Little Christmas (2018)
• 365 (með Zedd) (2019)
• Con Calma Remix (með Daddy Yankee) (2019)
• Never Really Over (2019)
• Small Talk (2019)
• Harleys in Hawaii (2019)
• Never Worn White (2020)
• Daisies (2020)
• Smile (2020)
• Not The End of the World (2020)
• Electric (2021)

Plötur

• Katy Hudson (2001)
• One of the Boys (2008)
• Teenage Dream (2010)
• Prism (2013)
• Witness (2017)
• Smile (2020)