Pokémon

Pokémon (ポケットモンスター, Poketto Monsutā) eða vasaskrímsli, er fyrirbæri skapað af Satoshi Tajiri árið 1995 sem tölvuleikjarisinn Nintendo hefur einkaumboð á. Frá því að það var upphaflega gefið út á Game Boy hefur Pokémon-fyrirbærið orðið næst velgengnasta tölvuleikjasería í heimi á eftir Maríó-seríunni. Síðar hafa verið búnir til anime-þættir, manga-bækur, safnspil, leikföng, bækur og margt annað úpp úr Pokémon-seríunni.

Um Pokémon

Pokémonarnir sjálfir eru verur sem líkjast ýmsum raunverulegum dýrum. Upprunalegu Pokémonarnir voru 151 talsins en eru þeir núna 809. Í Pokémon-heiminum eru til pokéboltar sem eru holar kúlur sem hægt er að opna og kalla Pokémoninn þangað inn. Þeir eru síðan látnir berjast af mennskum pokémon-þjálfurum. Flestir Pokémonar geta þróast milli stiga líkt og mörg dýr (eins og lirfa verður að púpu sem verður svo að fiðrildi), en flestir þeirra geta þróast af einu stigi yfir á annað (t.d. Caterpie - Metapod - Butterfree) og breytast í útliti og fá nýja krafta á hverju stigi.

Kortaspilið

Keppni haldin í pokémon kortaspilinu árið 2022

Hægt er að safna pokémon kortaspilum og spila leikinn með þeim. Hver einasta spil hefur litla mynd og textalýsingu á virkni kortsins; á spilunum eru yfirleitt vasaskrímsli með sérstökum árásum og hæfileikum sem hægt er að þróa áfram í stærri og sterkari skrímsli.

Leikurinn virkar þannig að tveir keppa í svokölluðum bardögum, þar sem þeir hafa eitt virkt skrímsli, nokkur sem sitja á bekk, bunki af spilum til að draga úr og bunki sem spilum er hent í. Alls eru 60 spil í hvorum stokki (hver leikspilari hefur sinn eiginn stokk, og þeim er ekki blandað saman), og í þeim eru þá ýmis vasaskrímsli, orkur og hlutir sem auka líkurnar á því að viðkomandi geti sigrað leikinn. Það er skipst á að gera, þar sem spil er dregið, vasaskrímsli sett á bekkinn ef pláss leyfir, orkuspili komið fyrir á einhverju skrímsli (þau þurfa mismikla orku til að framkvæma árásir sínar) og síðan er gerð árás ef virkt skrímsli hefur næga orku.

Það eru nokkur spil tekin til hliðar sem verðlaunarspil sem viðkomandi fær að taka í hvert sinn sem þeir ná að sigra skrímsli mótspilarans, og sá sem klárar verðlaunarspilin sín hefur þá unnið leikinn.

Söfnun og skipti á spilum

Þetta spil er flokkað sem söfnunarleikur þar sem fólk kaupir litla safnpakka af spilum og veit aldrei hvað það fær. Fólk á það til að safna spilunum fyrir myndirnar, án þess að spila leikinn með þeim, þar sem það eru til margar útgáfur af sömu vasaskrímslunum með mismunandi árásum og myndum, jafnvel er hægt að finna sjaldgæfar glansmynda-útgáfur af þeim þar sem annað hvort bakgrunnurinn glansar eða myndin sjálf. Það er oft haldnir pokémon viðburðir þar sem fólk mætir til þess að skiptast á spilum eða kaupa þau, og það eru jafnvel keppnir haldnar fyrir leikinn.

Rafræn útgáfa

Það er hægt að spila þennan leik á netinu, þar sem til er rafræn útgáfa af því og í hverjum raunverulegum pakka af spilum fylgir stakt kort með kóða sem viðkomandi getur notað til að opna rafrænan spilapakka. Þetta leyfir fólki að spila við annað fólk á netinu.

Tilvísanir

  Þessi anime/mangagrein er stubbur. Þú getur hjálpað til með því að bæta við greinina.