Sumarólympíuleikarnir 1964

Úr Wikipediu, frjálsa alfræðiritinu
Stökkva á: flakk, leita
Frímerki frá Austur-Þýskalandi, gefið út vegna Ólympíuleikanna 1964.

Sumarólympíuleikarnir 1964 voru haldnir í Tókýó í Japan frá 10. október til 24. október. Leikarnir voru í fyrsta sinn haldnir í Asíu. Með hjálp gervihnattatækni var leikunum sjónvarpað bæði víðar og meira mæli en nokkru sinni fyrr.

Aðdragandi og skipulagning[breyta]

Frá setningarathöfn leikanna.

Tókýó átti upphaflega að halda ólympíuleikana 1940, en var svipt þeim vegna styrjaldar Japans og Kína. Borgin falaðist einnig eftir að halda leikana 1960, en fékk ekki. Á þingi Alþjóðaólympíunefndarinnar vorið 1959 hlaut Tókýó hins vegar yfirburðakosningu sem gestgjafi fimm árum síðar. Detroit, Vínarborg og Brussel sóttust einnig eftir hnossinu.

Miklu var kostað til vegna undirbúnings leikanna og fjöldi nýrra mannvirkja reistur. Mikil áhersla var lögð á að hátækni við skipulagninguna, s.s. varðandi sjónvarpsútsendingar. Þá var ljósmyndatækni beitt til að skera úr um sigurvegara í kappgreinum og tölvustýrðar klukkur notaðar við tímatökur. Markmiðið var ekki hvað síst að sýna hversu framarlega Japan stæði á tæknisviðinu.

Ungur íþróttamaður tendraði Ólympíueldinn við setningarathöfnina. Hann var fæddur í Hiroshima þann 6. ágúst 1945, sama dag og kjarnorkusprengju var varpað á borgina.

Suður-Afríku var neitað um keppnisrétt vegna kynþáttaaðskilnaðarstefnunnar. Norður-Kórea og Indónesía ákváðu að sniðganga leikana til að mótmæla þátttöku Ísraels og Tævan.

Keppnisgreinar[breyta]

Keppt var í 163 greinum. Fjöldi keppna í einstökum íþróttaflokkum er gefinn upp í sviga.



Einstakir afreksmenn[breyta]

Karin Balzer frá Austur-Þýskalandi varð hlutskörpust í 80 metra grindahlaupi.

Bandaríkin hlutu flest gullverðlaun, en Sovétmenn næstflest á leikunum. Gestgjafarnir komu svo í þriðja sæti.

Bandaríkjamaðurinn Bob Hayes sigraði í 100 metra hlaupi á nýjum heimsmetstíma, 10,06 sekúndum. Hann varð síðar kunnur ruðningskappi með Dallas Cowboys.

Abebe Bikila frá Eþíópíu varði gullverðlaun sín frá Ólympíuleikunum í Róm og varð þannig fyrstur allra til að sigra tvívegis í Maraþonhlaupi á Ólympíuleikum.

Sovésku systurnar Irina og Tamara Press unnu báðar til gullverðlauna, aðra leikana í röð. Irina sigraði í tugþraut en Tamara í spjótkasti og kringlukasti.

Haraldur krónprins Norðmanna tók þátt í siglingakeppni leikanna og var fánaberi norska liðsins við setningarathöfnina.

Tekin var upp keppni í blaki á leikunum, en greinin naut mikilla vinsælda í Japan. Talið er að sigur japanska kvennaliðsins í úrslitaleiknum hafi verið sá íþróttaviðburður leikanna sem flestir heimamenn fylgdust með í sjónvarpi.

Bandaríkjamaðurinn Joe Frazier hreppti gullverðlaunin í þungavigt í hnefaleikum. Hann varð síðar heimsmeistari í flokki atvinnumanna.

Fimleikakeppni kvenna snerist upp í einvígi Larissu Latyninu frá Sovétríkjunum og Veru Cáslavská fræa Tékkóslóvakíu, sem báðar eru meðal sigursælustu fimleikakvenna sögunnar.

Bandaríska liðið hafði lítið fyrir að vinna körfuknattleikskeppni leikanna. Í liði þeirra var Bill Bradley, sem síðar gerðist stjórnmálamaður og sóttist eftir að verða fulltrúi Demókrata í forsetakosningunum 2000.

Þátttaka Íslendinga á leikunum[breyta]

Vegna mikils ferðakostnaðar treystu Íslendingar sér ekki til að senda nema fjóra íþróttamenn á leikana. Tvo sundmenn og tvo keppendur í frjálsum íþróttum.

Guðmundur Gíslason varð 22. Í 400 metra fjórsundi á nýju Íslandsmeti. Sundkonan Hrafnhildur Guðmundsdóttir varð hins vegar fyrir því óláni að fingurbrotna í fyrstu grein sinni.

Jón Þ. Ólafsson keppti í hástökki á leikunum og Valbjörn Þorláksson í tugþraut. Hafnaði Valbjörn í tólfta sæti í tugþrautarkeppninni.

Íslenska knattspyrnulandslíðið tók þátt í forkeppni Ólympíuleikanna og mætti þar Englendingum í tveimur leikjum sem samtals töpuðust 10:0. Var þó um áhugamannalandslið Englands að ræða.

Verðlaunaskipting eftir löndum[breyta]

Nr. Land Gull Silfur Brons Samtals
1 Fáni Bandaríkjanna Bandaríkin 36 26 28 90
2 Flag of the Soviet Union.svg Sovétríkin 30 31 35 96
3 Fáni Japans Japan 16 5 8 29
4 Fáni Þýskalands Þýskaland 10 22 18 50
5 Fáni Ítalíu Ítalía 10 10 7 27
6 Fáni Ungverjalands Ungverjaland 10 7 5 22
7 Flag of Poland.svg Pólland 7 6 10 23
8 Fáni Ástralíu Ástralía 6 2 10 18
9 Flag of Czechoslovakia.svg Tékkóslóvakía 5 6 3 14
10 Fáni Bretlands Bretland 4 12 2 18
11 Flag of Bulgaria.svg Búlgaría 3 5 2 10
12 Fáni Finnlands Finnland 3 0 2 5
12 Flag of New Zealand.svg Nýja Sjáland 3 0 2 5
14 Flag of Romania.svg Rúmenía 2 4 6 12
15 Flag of the Netherlands.svg Holland 2 4 4 10
16 Flag of Turkey.svg Tyrkland 2 3 1 6
17 Fáni Sviþjóðar Svíþjóð 2 2 4 8
18 Fáni Danmerkur Danmörk 2 1 3 6
19 Flag of SFR Yugoslavia.svg Júgóslavía 2 1 2 5
20 Fáni Belgíu Belgía 2 0 1 3
21 Fáni Frakklands Frakkland 1 8 6 15
22 Canadian Red Ensign 1868-1921.svg Kanada 1 2 1 4
Fáni Sviss Sviss 1 2 1 4
24 Flag of the Bahamas.svg Bahamaeyjar 1 0 0 1
Flag of Ethiopia (1897-1936; 1941-1974).svg Eþíópía 1 0 0 1
Fáni Indlands Indland 1 0 0 1
27 Flag of South Korea.svg Suður-Kórea 0 2 1 3
28 Flag of Trinidad and Tobago.svg Trínidad og Tóbagó 0 1 2 3
29 Flag of Tunisia.svg Túnis 0 1 1 2
30 Flag of Argentina.svg Argentína 0 1 0 1
Flag of Cuba.svg Kúba 0 1 0 1
Flag of Pakistan.svg Pakistan 0 1 0 1
Flag of the Philippines.svg Filippseyjar 0 1 0 1
34 Flag of Iran.svg Íran 0 0 2 2
35 Flag of Brazil.svg Brasilía 0 0 1 1
Flag of Ghana.svg Ghana 0 0 1 1
Flag of Ireland.svg Írland 0 0 1 1
Flag of Kenya.svg Kenýa 0 0 1 1
Flag of Mexico.svg Mexíkó 0 0 1 1
Flag of Nigeria.svg Nígería 0 0 1 1
Flag of Uruguay.svg Úrúgvæ 0 0 1 1
Alls 163 167 174 504


Wikimedia Commons er með margmiðlunarefni sem tengist