Indónesía

Úr Wikipediu, frjálsa alfræðiritinu

Republik Indonesia


(Fáni Indónesíu)	(Skjaldarmerki Indónesíu)

Kjörorð: Bhinneka Tunggal Ika (gömul javaíska: Sameining í fjölbreytni)'

Þjóðsöngur: Indonesia Raya

Höfuðborg

Jakarta

Opinbert tungumál

Indónesíska

Stjórnarfar

Forseti

Forsetaræði
Susilo Bambang Yudhoyono

Flatarmál
• Samtals
• Vatn (%)

16. sæti
1.919.440 km²
4,85

Mannfjöldi
• Samtals (2000)
• Þéttleiki byggðar

4. sæti
206.264.595
134/km²

VLF (KMJ)
• Samtals
• á mann

áætl. 2007
1,038 milljarðar millj. dala (15. sæti)
4.356 dalir (53. sæti)

VÞL

0.728 (107. sæti)

Gjaldmiðill

Rúpía (IDR)

Tímabelti

UTC +7 til +9

Þjóðarlén

.id

Landsnúmer

Indónesía er ríki í Suðaustur-Asíu sem samanstendur af 17.508 eyjum í Malaja eyjaklasanum. Það er stærsta ríki heims sem telst til eyjaklasa og fjórða fjölmennasta ríki heims. Indónesía er jafnframt það ríki þar sem flestir múslimar búa, Indónesía er þó ekki íslamskt lýðveldi. Höfuðborg landsins er Jakarta. Landamæri þess liggja að Papúa Nýju Gíneu, Austur-Tímor og Malasíu. Önnur nágrannaríki eru Singapúr, Filippseyjar, Ástralía og Andaman og Nikobar eyjarnar sem tilheyra Indlandi.

Landið eins og það er í dag varð til þegar nýlendur Hollendinga í suð-austur Asíu, Hollensku Austur-Indíur, fengu sjálfstæði á fimmta áratug tuttugustu aldar. Árið 1975 tóku Indónesar yfir austurhluta eyjunnar Tímor, en vesturhluti eyjunnar var fyrir hluti af Indónesíu. Austur-Tímor hlaut svo sjálfstæði á ný á árunum 1999 til 2002. Í Indónesíu búa mörg þjóðarbrot sem sum hver berjast fyrir sjálfstæði, svo sem í Aceh og Papúu (áður Irian Jaya). Þessi staðreynd endurspeglast í kjörorði landsins Sameining í fjölbreytni.

[breyta] Saga

Indversk skip hafa frá fornu fari siglt í verslunarferðir alla leið til Afríku. Þetta skip er frá 800 CE.

Steingervingar af Homo erectus sem er einnig þekktur sem Java maðurinn benda til að Indónesía hafi verið byggð mönnum fyrir tveim milljónum til 500,000 árum.

Ástrónesíumenn sem eru meirihluti af íbúum Indónesíu komu frá Suðaustur-Asíu frá Tævan. Þeir komu um 2000 f.Kr. og hröktu hina innfæddu Melanesíubúa til austurhéraða landsins. Mjög góð skilyrði til ræktunar eru í Indónesíu og hrísgrjónarækt undir vatni hófst þar á áttundu öld f.Kr. Verslun var mikil bæði við ríki í Indlandi og Kína.

Múskat jurtin er upprunnin á Banda eyjum í Indónesíu. Þessi jurt var einu sinni ein eftirsóttasta varan í viðskiptum og dró fyrstu evrópsku nýlenduveldin til Indónesíu.

Frá sjöundu öld dafnaði ríkið Srivijaya en veldi þess byggðist á verslun og áhrifum af hindúisma og búddisma. Milli áttundu og tíundu aldar, risu og hnigu á eyjunni Jövu ríkin Sailendra sem var landbúnaðarsamfélag sem byggðist á búddisma og Mataram sem var hindúaríki. Þessi samfélög skildu eftir sig stór helgilíkneski eins og Borobudur og Prambanan. Hindúakonungsdæmið Majapahit var stofnað á Austur-Jövu seint á 13. öld og undir stjórn Gajah Mada þá náðu áhrif þess yfir stóran hluta Indónesíu. Þetta tímabil er oft talið gullöld í sögu Indónesíu.

Fyrstu merki um útbreiðslu Íslam í Indónesíu eru frá 13. öld í Norður-Súmötru. Smám saman breiddist múslímasiður út og varð ríkjandi trúarbrögð í Jövu og Súmötru í lok 16. aldar.

Fyrstu Evrópubúarnir komu til Indónesíu árið 1512 þegar portúgalskir verslunarmenn undir forustu Francisco Serrão reyndu að einoka uppruna múskat blaða og cubeb pipars á Maluku eyjum. Síðar komu hollenskir og breskir verslunarmenn og árið 1602 stofnuðu Hollendingar hollenska Austur-Indíufélagið og urðu voldugastir Evrópumanna í landinu. Hollenska Austur-Indíufélagið varð gjaldþrota og leystist upp árið 1800 og ríkisstjórnin í Hollandi setti þá á stofn nýlenduna hollensku Austur-Indíur.