Jóhanna Sigurðardóttir

Jóhanna Sigurðardóttir (JóhS)
Fæðingardagur:	4. október 1942 (1942-10-04)
Fæðingarstaður:	Reykjavík
1. þingmaður Reykjavíkurkjördæmis norður
Flokkur:	Samfylkingin
Þingsetutímabil
1978-1980	í Landsk. fyrir Alþfl. ✽
1980-1987	í Landsk. fyrir Alþfl.
1987-1994	í Reykv. fyrir Alþfl. ✽
1994-1995	í Reykv. fyrir Ufl.
1995-1999*	í Reykv. fyrir Þjóðv.
1999-2003	í Reykv. fyrir Samf.
2003-2007	í Reykv. s. fyrir Samf.
2007-	í Reykv. n. fyrir Samf. ✽
✽ = stjórnarsinni
Embætti
1979	2. varaforseti neðri deildar
1983-1984	1. varaforseti neðri deildar
2003-2007	4. varaforseti Alþingis
1987-1994 2007-2009	Félagsmálaráðherra Félagsmálaráðherra
2009-	Forsætisráðherra
Tenglar
Æviágrip á vef Alþingis – Vefsíða
*Seinni hluta kjörtímabilsins tilheyrði hún þingflokki jafnaðarmanna.

Jóhanna Sigurðardóttir (f. í Reykjavík 4. október 1942) er forsætisráðherra Íslands og formaður Samfylkingarinnar. Hún er fyrsti kvenkyns forsætisráðherra á Íslandi og fyrsti opinberlega samkynhneigði einstaklingurinn sem gegnir starfi forsætisráðherra í heiminum. Foreldrar hennar voru Sigurður Egill Ingimundarson alþingismaður og forstjóri Tryggingastofnunar ríkisins og Karítas Guðmundsdóttir húsmóðir. Fyrri maki hennar var Þorvaldur Steinar Jóhannesson og saman áttu þau tvo syni en árið 2010 giftist hún Jónínu Leósdóttur í kjölfar nýsamþykktrar breytingar á hjúskaparlögum.

Jóhanna starfaði sem flugfreyja hjá Loftleiðum og skrifstofumaður í Kassagerð Reykjavíkur 1971-1978. Hún hefur setið á Alþingi frá 1978 fyrir Alþýðuflokkinn, Þjóðvaka og síðast Samfylkinguna frá 1999. Jóhanna var félagsmálaráðherra 1987-1994, og svo aftur 2007-2009. Hún var varaformaður Alþýðuflokksins 1984-1993 og formaður Þjóðvaka 1995 allt til þess er sá flokkur hætti að starfa. Jóhanna tók við embætti forsætisráðherra af Geir H. Haarde þann 1. febrúar 2009 og varð þar með fyrsta konan á forsætisráðherrastóli á Íslandi. Jóhanna var kjörin formaður Samfylkingarinnar á landsfundi 28. mars 2009. Jóhanna er starfsaldursforseti Alþingis og hefur setið á þingi í rúmlega þrjá áratugi.

Þekktustu ummæli Jóhönnu eru orð sem hún lét falla eftir að hún hafði tapað í formannskjöri fyrir Jóni Baldvini Hannibalssyni á flokksþingi Alþýðuflokksins í júní 1994. Þá sagði hún í þrumuræðu sinni: „Minn tími mun koma!“ og þykir ýmsum sem þau orð hennar hafi ræst.

Fyrirrennari: Geir H. Haarde	Forsætisráðherra (1. febrúar 2009 – enn í embætti)	Eftirmaður: enn í embætti
Fyrirrennari: Ingibjörg Sólrún Gísladóttir	Formaður Samfylkingarinnar (28. mars 2009 – )	Eftirmaður: enn í embætti
Fyrirrennari: Magnús Stefánsson	Félagsmálaráðherra (24. maí 2007 – 1. febrúar 2009)	Eftirmaður: Ásta Ragnheiður Jóhannesdóttir
Fyrirrennari: Alexander Stefánsson	Félagsmálaráðherra (8. júlí 1987 – 24. júní 1994)	Eftirmaður: Guðmundur Árni Stefánsson

Heimild

• Alþingi - Jóhanna Sigurðardóttir

Tengill

  Þetta æviágrip er stubbur. Þú getur hjálpað til með því að bæta við greinina.