Sigmundur Davíð Gunnlaugsson

Sigmundur Davíð Gunnlaugsson (SDG)
Fæðingardagur:	12. mars 1975 (1975-03-12)
Fæðingarstaður:	Reykjavík
8. þingmaður Reykjavíkurkjördæmis norður
Flokkur:	Framsóknarflokkurinn
Nefndir:	Utanríkismálanefnd, Starfshópur utanríkismálanefndar um Evrópumál, Þingmannanefnd Íslands og Evrópusambandsins, Íslandsdeild þingmannanefndar EFTA
Þingsetutímabil
2009-	í Rvk. n. fyrir Framsfl.
✽ = stjórnarsinni
Embætti
2009-	Formaður Framsóknarflokksins
Tenglar
Æviágrip á vef Alþingis – Vefsíða

Sigmundur Davíð Gunnlaugsson (fæddur í Reykjavík 12. mars 1975) er formaður Framsóknarflokksins en hann hlaut kosningu á landsfundi flokksins 18. janúar 2009.

Sigmundur Davíð lauk stúdentsprófi frá Menntaskólanum í Reykjavík 1995 og B.S. prófi frá Viðskipta- og hagfræðideild Háskóla Íslands auk hlutanáms í fjölmiðlafræði 2005. Hann stundaði einnig skiptinám við Plekhanov háskóla í Moskvu og nám í alþjóðasamskiptum og opinberri stjórnsýslu við stjórnmálafræðideild Kaupmannahafnarháskóla. Að því loknu lagði hann stund á nám til DPhil gráðu í hagfræði og stjórnmálafræði við Oxford-háskóla með áherslu á tengsl hagrænnar þróunar og skipulagsmála.

Sigmundur Davíð starfaði áður sem blaðamaður og sem fréttamaður og þáttastjórnandi á RÚV. Foreldrar hans eru Gunnlaugur Sigmundsson framkvæmdastjóri og þingmaður Framsóknarflokksins á árunum 1995-1999, og Sigríður G. Sigurbjörnsdóttir lífeindafræðingur og skrifstofustjóri. Eiginkona Sigmundar Davíðs er Anna Sigurlaug Pálsdóttir mannfræðingur, (fædd 9. desember 1974).

Sigmundur Davíð var kjörinn á Alþingi fyrir Framsóknarflokkinn í Alþingiskosningum 25. apríl 2009.

Tengill

• Æviágrip Alþingis
• Heimasíða Sigmundar

Fyrirrennari: Valgerður Sverrisdóttir

Formaður Framsóknarflokksins (18. janúar 2009 – enn í embætti)

Eftirmaður: enn í embætti

Tilvísanir

  Þessi æviágripsgrein er stubbur. Þú getur hjálpað til með því að bæta við greinina.