Sigmundur Davíð Gunnlaugsson
 |
Þessi grein þarfnast hreingerningar svo hún hæfi betur sem grein hér á Wikipediu. |
| Sigmundur Davíð Gunnlaugsson (SDG) | |
 |
|
| Fæðingardagur: | 12. mars 1975 (38 ára) |
|---|---|
| Fæðingarstaður: | Reykjavík |
| 1. þingmaður Norðausturkjördæmis | |
| Flokkur: |  Framsóknarflokkurinn |
| Þingsetutímabil | |
| 2009-2013 | í Rvk. n. fyrir Framsfl. |
| 2013- | í Norðaust. fyrir Framsfl. ✽ |
| ✽ = stjórnarsinni | |
| Embætti | |
| 2009- | Formaður Framsóknarflokksins |
| 2013- | Forsætisráðherra |
| Tenglar | |
| Æviágrip á vef Alþingis – Vefsíða | |
Sigmundur Davíð Gunnlaugsson (fæddur í Reykjavík 12. mars 1975) er forsætisráðherra, formaður Framsóknarflokksins og 1. þingmaður Norðausturkjördæmis.
Efnisyfirlit |
Menntun og fyrri störf[breyta]
Sigmundur Davíð lauk stúdentsprófi frá Menntaskólanum í Reykjavík 1995 og B.S. prófi frá Viðskipta- og hagfræðideild Háskóla Íslands auk hlutanáms í fjölmiðlafræði 2005. Þaðan lá leið hans í skiptinám við Plekhanov háskóla í Moskvu og nám í alþjóðasamskiptum og opinberri stjórnsýslu við stjórnmálafræðideild Kaupmannahafnarháskóla. Að því loknu lagði hann stund á nám til DPhil gráðu í hagfræði og stjórnmálafræði við Oxford-háskóla með áherslu á tengsl hagrænnar þróunar og skipulagsmála. Sigmundur Davíð hlaut Chevening-styrkinn til námsins í Oxford en hann er aðal námsstyrkur bresku ríkisstjórnarinnar og er veittur hæfustu umsækjendunum frá 150 löndum ár hvert. Var Sigmundur Davíð ásamt átta öðrum valinn úr um 200 umsækjendum á Íslandi.[1]
Sigmundur Davíð starfaði sem blaðamaður og sem fréttamaður og þáttastjórnandi á RÚV með námi 2000-2007. Þá var hann forseti Nordiska Ekonomie Studerander Union 2000-2002 og fulltrúi í skipulagsráði Reykjavíkurborgar 2008-2010.[2]
Formennska í Framsóknarflokknum[breyta]
Sigmundur Davíð var kjörinn formaður Framsóknarflokksins á flokksþingi 18. janúar 2009 og tók hann við formennsku af Valgerði Sverrisdóttur. Hann hafði þá aldrei starfað í Framsóknarflokknum og skráði sig í hann mánuði áður en hann bauð sig fram til formennsku.[3]
Hlaut Sigmundur Davíð 56% atkvæða í seinni umferð formannskosninganna á 30. flokksþingi framsóknarmanna 40,9% í fyrri umferðinni. Tveir aðrir voru í formlega í framboði.[4] [5] Á flokksþingi framsóknarflokksinns 2011 var hann endurkjörin með 92% greiddra atkvæða, en samkvæmt lögum Framsóknarflokksins eru allir flokksmenn í kjöri.
Þingstörf[breyta]
Sigmundur Davíð var kjörinn á Alþingi fyrir Reykjavíkurkjördæmi norður 25. Apríl 2009.[6] Hann hefur setið í utanríkismálanefnd fyrir Framsóknarflokkinn frá 2009, Íslandsdeild EFTA 2009-2011, íslandsdeild þingmannanefnda EFTA og EES 2011- 2013, í starfshóp utanríkismálanefndar um Evrópumál og þingmannanefnd Íslands og Evrópusambandsins af hálfu Alþingis.
Helstu baráttuefni Sigmundar Davíðs á stjórnmálaferilnum hans hafa verið Icesavedeilan og skuldamál heimilanna.
Sigmundar Davíðs ásamt InDefence og fleirum börðust gegn Icesave samningunum.[7] Gagnrýni Sigmundar Davíðs snéri helst að ágöllum á samningunum; að fyrirvarar myndu ekki halda lagalega, greiðslurnar væru í erlendri mynt, vaxtagreiðslur væru svo verulegar að þjóðin myndi vera í ánauð vegna þeirra og að ekki hefðu verið kannaðar aðrar leiðir eins og möguleiki á skuldajöfnun við Breta vegna beitingar hryðjuverkalaga í efnahagshruninu.[8]
Hitt baráttumál Sigmundar Davíðs, skuldamál heimilanna varð aðal kosningamál alþingiskosninganna 2013 [9]. Hafði hann ásamt þingflokki framsóknarmanna lagt fram þrjár tillögur um lausn á vandanum á því kjörtímabili sem var að ljúka. 2009-2011 var það 20% leiðin.[10] og tillaga um samvinnuráð um þjóðarsátt.[11] 2011-2012 átti hann þátt í að leggja fram þingsályktunatillögu um stöðugleika í efnahagsmálum og vefinn www.planb.is.[12]
Fjölskylda og einkalíf[breyta]
Sigmundur Davíð ólst upp í Breiðholti en bjó í Washington í Bandaríkjunum milli 1982-1985 meðan faðir hans starfaði fyrir Alþjóðabankann.[13] Foreldrar hans eru Gunnlaugur Sigmundsson framkvæmdastjóri og þingmaður Framsóknarflokksins á árunum 1995-1999, og Sigríður G. Sigurbjörnsdóttir lífeindafræðingur og skrifstofustjóri. Sigmundur er kvæntur Önnu Stellu Pálsdóttur.
Íslenski kúrinn[breyta]
Vakti það athygli þegar Sigmundur Davíð lýsti því yfir á heimasíðu sinni 2011 að hann væri farinn í megrun og hyggðist borða einungis íslenskan mat.[14] Birti hann þyngdartölu sína á hverjum mánudegi á fésbókarsíðu sinni.[15]
Tengill[breyta]
| Fyrirrennari: Jóhanna Sigurðardóttir |
|
Eftirmaður: enn í embætti |
|||
| Fyrirrennari: Valgerður Sverrisdóttir |
|
Eftirmaður: enn í embætti |
|||
Tilvísanir[breyta]
- ↑ Átta hlutu styrk til háskólanáms í Bretlandi Morgunblaðið
- ↑ Æviágrip: Sigmundur Davíð Gunnlaugsson Alþingi
- ↑ Sigmundur Davíð býður sig fram til formanns Framsóknarflokksins AMX
- ↑ Sigmundur Davíð kjörinn formaður Framsóknar. Uppákoma: Höskuldur áður lýstur formaður fyrir mistök Pressan
- ↑ Sigmundur Davíð býður sig fram í Reykjavík Morgunblaðið
- ↑ Sigmundur Davíð býður sig fram til formanns Morgunblaðið
- ↑ Sigurður Már Jónsson, 2011, Icesavesamningarnir - afleikur aldarinnar? Almenna Bókafélagið, Reykjavík, bls 214.
- ↑ Icesave-atriðin 10
- ↑ http://www.mbl.is/frettir/kosning/2013/04/11/eg_utiloka_ekkert_4/ "Ég útiloka ekkert": mbl.is
- ↑ Þingsályktunartillaga: Afskriftir af höfuðstóli lána íslenskra heimila og rekstrarfyrirtækja Alþingi
- ↑ Þingsáætlunartillaga: Samvinnuráð um þjóðarsátt Alþingi
- ↑ Þingsáætlunartillaga: Stöðugleiki í efnahagsmálum Alþingi
- ↑ Víkingur og vaskur til verka Morgunblaðið
- ↑ Íslenski kúrinn Bloggsíða Sigmundar Davíðs
- ↑ Megrunarkúr formanns Framsóknarflokksins: 2 kíló fuku fyrstu vikuna - Fleiri undur verða upplýst á næstunni Pressan
Þessi
|
||||||||||
