Katrín Jakobsdóttir

Katrín Jakobsdóttir (KJak)
Fæðingardagur:	1. febrúar 1976 (1976-02-01)
Fæðingarstaður:	Reykjavík
2. þingmaður Reykjavíkurkjördæmis norður
Flokkur:	Vinstrihreyfingin – grænt framboð
Þingsetutímabil
2007-2009	í Reykv. n. fyrir Vg.
2009-	í Reykv. n. fyrir Vg. ✽
✽ = stjórnarsinni
Embætti
2009-	Mennta- og menningarmálaráðherra
Tenglar
Æviágrip á vef Alþingis – Vefsíða

Katrín Jakobsdóttir (fædd 1. febrúar 1976) er mennta- og menningarmálaráðherra í ríkisstjórn Íslands. Hún er formaður Vinstrihreyfingarinnar - græns framboðs og þingmaður flokksins fyrir Reykjavíkurkjördæmi norður.

Menntun

Katrín lauk grunnskólaprófi frá Langholtsskóla 1992, stúdentsprófi frá Menntaskólanum við Sund 1996 með hæstu meðaleinkunn sem fengist hafði á stúdentsprófi þar, 9.7. Hún lauk BA-prófi í íslensku með frönsku sem aukagrein frá Háskóla Íslands 1999 og MA-prófi í íslensku frá Háskóla Íslands 2004 en lokaritgerð hennar fjallaði um Arnald Indriðason.

Stjórnmál

Katrín var formaður ungra vinstri grænna á árunum 2002-2004 og hefur verið varaformaður VG frá árinu 2003. Hún var kjörin á Alþingi í kosningunum 2007. Katrín hefur gegnt embætti menntamálaráðherra frá 1. febrúar 2009. Kjörtímabilið 2002-2006 var hún varaborgarfulltrúi í Reykjavík fyrir R-listann.

Annað

Árin 2004 og 2005 var hún einn af umsjónarmönnum Sunnudagsþáttarins á SkjáEinum.

Tvíburarnir Ármann Jakobsson og Sverrir Jakobsson eru bræður hennar. Skúli Thoroddsen stjórnmálamaður var langafi Katrínar og Theódóra Thoroddsen skáld langamma hennar, afi hennar Sigurður S. Thoroddsen verkfræðingur og Alþingismaður og Dagur Sigurðarson skáld móðurbróðir hennar.

Fyrirrennari: Steingrímur J. Sigfússon	Formaður Vinstri-Grænna (23. febrúar 2013 – enn í embætti)	Eftirmaður: enn í embætti
Fyrirrennari: Þorgerður Katrín Gunnarsdóttir	Menntamálaráðherra (1. febrúar 2009 – enn í embætti)	Eftirmaður: enn í embætti
Fyrirrennari: Svanhildur Kaaber	Varaformaður Vinstri-Grænna (9. nóvember 2003 – 23. febrúar 2013)	Eftirmaður: Björn Valur Gíslason