Ríkisstjórnir Samfylkingarinnar og Vinstrihreyfingarinnar - græns framboðs 2009-2013

Úr Wikipediu, frjálsa alfræðiritinu
Stökkva á: flakk, leita
Jóhanna Sigurðardóttir

Ráðuneyti Jóhönnu Sigurðardóttur (einnig þekkt sem Velferðarstjórnin) voru stjórnarsamband Samfylkingarinnar og Vinstrihreyfingarinnar - græns framboðs sem myndaðist í kjölfar efnahagskreppunnar á Íslandi haustið 2008 og hætti störfum eftir Alþingiskosningar 2013. Eftir að Geir Haarde beiðst lausnar fyrir ráðuneyti sínu 26. janúar 2009 mynduðu flokkarnir minnihlutastjórn sem tók við völdum sex dögum síðar þann 1. febrúar og varði Framsóknarflokkurinn hana vantrausti. Í kjölfar þingkosninganna 25. apríl 2009 fengu flokkarnir meirihluta og fóru að mynda nýja ríkisstjórn sem tók við völdum 10. maí 2009.

Ríkisstjórnirnar voru þær fyrstu til að hafa jafnt kynjahlutfall og var Jóhanna Sigurðardóttir fyrsti opinberlega samkynhneigði forsætisráðherra heims. Kjörtímabilið einkenndist af hörðum deilumálum og upplausnarástandi í samfélaginu. Ríkisstjórninni biðu mörg brýn verkefni eftir efnahagshrun Íslands og einkenndust verkefni hennar af viðreisn íslensks efnahagslífs og rannsókn á aðdraganda hrunsins, enda var gengi gjaldmiðilsisn veikt, verðbólga og atvinnuleysi hátt og mikill samdráttur á fyrstu árunum eftir hrun. Í tíð hennar var sótt um aðild að Evrópusambandinu, rammaáætlun gerð um virkjanakosti og ráðuneyti voru sameinuð.

Ráðherraskipan[breyta]

Taflan fyrir neðan sýnir þá málaflokka sem ráðherrar í ríkisstjórninni sátu yfir. Frá og með 1. október 2009 var nafni á Menntamálaráðuneytinu breytt í Mennta- og menningarmálaráðuneytið, einnig var Efnahagsráðuneytinu breytt í Efnahags- og viðskiptaráðuneytið, Dóms- og kirkjumálaráðuneytinu breytt í Dóms­mála- og mannréttindaráðuneyti Íslands og Samgönguráðuneytinu breytt í Samgöngu- og sveitarstjórnarráðuneytið. Þann 1. september 2012 var Fjármálaráðuneytinu breytt í Fjármála- og efnhagsráðuneytið og Umhverfisráðuneytinu breytt í Umhverfis- og auðlindaráðuneytið. Á kjörtímabilinu var farið í miklar sameiningar ráðuneyta og heyrðu sjávarútvegs-, landbúnaðar-, iðnaðar- og viðskiptaráðuneytin undir Atvinnuvega- og nýsköpunarráðuneytið frá og með 1. október 2012. Þann 1. janúar 2011 voru dómsmála- og mannréttindaráðuneytið og samgöngu- og sveitarstjórnarráðuneytið sameinuð sem Innanríkisráðuneytið. Þann sama dag voru félags- og tryggingamálaráðuneytið og heilbrigðisráðuneytið sameinuð sem Velferðarráðuneytið.

Forsætis Utanríkis Iðnaðar Viðskipta Efnahags Fjármála Sjávarútvegs Landbúnaðar Mennta Samgöngu Dómsmála Félags Heilbrigðis Umhverfis
1. febrúar 2009 Jóhanna Sigurðardóttir Össur Skarphéðinsson Gylfi Magnússon Steingrímur J. Sigfússon Katrín Jakobsdóttir Kristján L. Möller Ragna Árnadóttir Ásta R. Jóhannesdóttir Ögmundur Jónasson Kolbrún Halldórsdóttir
10. maí 2009 Össur Skarphéðinsson Katrín Júlíusdóttir Steingrímur J. Sigfússon Jón Bjarnason Árni Páll Árnason Svandís Svavarsdóttir
1. október 2009 Álfheiður Ingadóttir
2. september 2010 Árni Páll Árnason Ögmundur Jónasson Guðbjartur Hannesson
31. desember 2011 Steingrímur J. Sigfússon Oddný G. Harðardóttir Steingrímur J. Sigfússon
1. september 2012 Steingrímur J. Sigfússon Oddný G. Harðardóttir
1. október 2012 Steingrímur J. Sigfússon Katrín Júlíusdóttir

[1]

Heimildir[breyta]

  1. Ríkisstjórnartal Stjórnarráðsins