Haugesund
Haugesund er borg í Vestur-Noregi og er staðsett í norðurhluta Rogalands og liggur við sundið Karmsundet. Haraldur hárfagri bjó við Avaldsnes í námunda við Haugesund. Bærinn stækkaði mjög upp við síldveiðar og varð bær opinberlega árið 1855 þegar hann klauf sig frá sveitarfélaginu Torvestad. Þá voru íbúar rúmlega 1000. Íbúar eru nú um 36.000 (2015).
Í Haugesund eru haldnar hátíðir árlega eins og Norwegian International Film Festival and Sildajazz jazzhátíðin. Í borginni er stytta af Marilyn Monroe (fædd sem Norma Jeane Mortenson) en faðir hennar er talinn vera Martin Mortensen sem er frá svæðinu.
Heimild[breyta | breyta frumkóða]
Wikimedia Commons er með margmiðlunarefni sem tengist Haugesund.
Fyrirmynd greinarinnar var „Haugesund“ á ensku útgáfu Wikipedia. Sótt 17. september 2016.