Handknattleiksárið 1985-86

Handknattleiksárið 1985-86 var keppnistímabilið í íslenskum handknattleik sem hófst haustið 1985 og lauk vorið 1986. Víkingar urðu Íslandsmeistarar í karlaflokki og Framstúlkur í kvennaflokki.

Karlaflokkur

1. deild

Víkingar urðu Íslandsmeistarar í meistaraflokki karla. Keppt var í átta liða deild með tvöfaldri umferð. Mótinu lauk um miðjan janúar vegna þátttöku landsliðsins á HM.

Félag	Stig
Víkingur	24
Valur	21
Stjarnan	19
KA	15
FH	14
Fram	11
KR	8
Þróttur	0

Egill Jóhannesson, Fram, varð markakóngur með 100 mörk. KR og Þróttur höfnuðu í tveimur neðstu sætunum, en þar sem ákveðið var að fjölga um tvö lið í fyrstu deild var efnt til keppni tveggja neðstu liðanna úr 1. deild og liðanna í 3. og 4. sæti í 2. deild. Leikin var tvöföld umferð í fjögurra liða deild.

Félag	Stig
Haukar	8
KR	8
HK	6
Þróttur	2

2. deild

Breiðablik varð meistari í 2. deild og fór upp í 1. deild ásamt Ármanni. Vegna fyrirhugaðrar fjölgunar í 1. deild fóru liðin í 3. og 4. sæti í úrslitakeppni um laus sæti og ljóst að ekkert lið myndi falla niður úr deildinni. Keppt var í átta liða deild með tvöfaldri umferð.

Félag	Stig
Breiðablik	22
Ármann	20
HK	17
Haukar	16
ÍR	15
Afturelding	11
Þór Ve.	9
Grótta	1

Ekkert lið féll úr 2. deild.

3. deild

ÍBK sigraði í 3. deild. Í öðru sæti var Týr Ve.. Þrettán lið kepptu í 3. deild og léku þau tvöfalda umferð. Vegna fyrirhugaðrar fjölgunar í 1. og 2. deild varð snemma talið ljóst að liðin í 3. og 4. sæti kæmust upp um deild, þótt ekki væri formlega gengið rá því fyrr en á ársþingi HSÍ að móti loknu.

Þór Ve. og Týr Ve. ákváðu að senda sameiginlegt lið til keppni handknattleiksárið 1986-87 undir merkjum ÍBV. Liðið í 5. sæti í 3. deild, Reynir Sandgerði, hlaut því sæti í 2. deild.

Knattspyrnufélagið Þróttur, sem féll í 2. deild, lagði niður meistaraflokk sinn að tímabilinu loknu. Þess í stað hlutu Fylkismenn sæti í 2. deild, en þeir höfnuðu í 6. sæti í 3.deild.

Félag	Stig
ÍBK	42
Týr Ve.	39
ÍA	34
Þór Ak.	33
Reynir S.	31
Fylkir	29
Selfoss	24
Völsungur	21
Hveragerði	20
Njarðvík	19
ÍH	14
Skallagrímur	7
Ögri	0

Bikarkeppni HSÍ

Víkingur sigraði í bikarkeppninni eftir úrslitaleik gegn Stjörnunni. 29 lið voru skráð til keppni.

1. umferð

• Fylkir - FH b-lið 30:27
• Þróttur - Ármann b-lið 34:33
• Selfoss - Njarðvík 25:24
• Afturelding - Stjarnan 19:28
• Týr Ve. - KA 20:17
• Ármann - Grótta
• KR - Valur b-lið
• HK - Þór Ve.
• Leiftur - Valur
• ÍR - Víkingur
• ÍH - ÍA
• ÍBK - Fram
• Breiðablik - HBÍ
• FH, Haukar og Reynir S. sátu hjá

16-liða úrslit

• Víkingur - Valur 23:19
• ÍA - KR 31:30
• Ármann - Fram 28:23
• Fylkir - Breiðablik 22:33
• Selfoss - Stjarnan 20:33
• Reynir S. - Þór Ve. 26:28
• Týr Ve. - Haukar 26:28
• Þróttur - FH 22:27

8-liða úrslit

• Ármann - Haukar 24:23 (e. framlengingu)
• ÍA - FH 21:33
• Þór Ve. - Víkingur 21:31
• Breiðablik - Stjarnan 28:30

Undanúrslit

• Víkingur - FH 23:21
• Stjarnan - Ármann 22:11

Úrslitaleikur

• Víkingur - Stjarnan 19:17

Evrópukeppni

Evrópukeppni meistaraliða

FH-ingar kepptu í Evrópukeppni meistaraliða. Liðið sat hjá í 1. umferð og hóf keppni í 16-liða úrslitum þar sem það féll út.

16-liða úrslit

• Redbergslids IK, Svíþjóð - FH 29:17 & 27:19

Evrópukeppni bikarhafa

Víkingar kepptu í Evrópukeppni bikarhafa. Liðið sat hjá í 1. umferð en féll úr leik í næstu umferð.

16-liða úrslit

• Víkingur - GT Teka Santander Spánn 21:22
• GT Teka Santander - Víkingur 20:18

Evrópukeppni félagsliða

Valsmenn kepptu í Evrópukeppni félagsliða.

1. umferð

• Kolbotn Noregur - Valur 18:20 & 22:20

(báðir leikir fóru fram ytra, seinni leikurinn taldist þó útileikur Vals sem komst áfram)

16-liða úrslit

• Lugi Svíþjóð - Valur 15:15
• Valur - Lugi 16:22

Kvennaflokkur

1. deild

Framarar urðu Íslandsmeistarar í meistaraflokki kvenna á fullu húsi stiga. Keppa átti í átta liða deild, en lið Þórs Ak. dró sig úr keppni og fengust önnur lið ekki til að taka sætið. Var því leikin tvöföld umferð í sjö liða deild.

Félag	Stig
Fram	24
Stjarnan	16
FH	16
Valur	11
Víkingur	8
KR	7
Haukar	2

Haukar féllu niður um deild.

2. deild

ÍBV sigraði í 2. deild og tryggði sér sæti í 1. deild ásamt Ármanni. Keppt var í sex liða deild með tvöfaldri umferð.

Félag	Stig
ÍBV	18
Ármann	13
Þróttur R.	11
ÍBK	10
Afturelding	8
HK	0

Bikarkeppni HSÍ

Fram sigraði í bikarkeppninni eftir úrslitaleik gegn Stjörnunni. Níu lið tóku þátt í keppninni.

8-liða úrslit

• Keflavík - Stjarnan
• KR - Haukar
• Víkingur - Fram
• Ármann - Valur

Undanúrslit

• Fram - KR 26:20
• Stjarnan - Valur 30:27

Úrslitaleikur

• Fram - Stjarnan 23:18

Evrópukeppni

Evrópukeppni bikarhafa

Valsstúlkur kepptu í Evrópukeppni bikarhafa.

1. umferð

• Elkerlic Tongeren (Belgíu) - Valur 15:18
• Valur - Elkerlic Tongeren 18:18

2. umferð

• Valsstúlkur drógust gegn danska liðinu Rødovre í 2. umferð en drógu sig úr keppni.