Alex Salmond

Nicola Sturgeon
Alex Salmond árið 2007.
Æðsti ráðherra Skotlands
Þjóðhöfðingi	Elísabet 2.
Forveri	Jack McConnell
Eftirmaður	Nicola Sturgeon
Persónulegar upplýsingar
Fæddur	31. desember 1954(1954-12-31) Linlithgow, West Lothian, Skotlandi
Látinn	12. október 2024 (69 ára) Ohrid, Norður-Makedóníu
Stjórnmálaflokkur	Skoski þjóðarflokkurinn (1973–2018)
Maki	Moira McGlashan (g. 1981)
Háskóli	Edinburgh College of Commerce University of St Andrews
Starf	Stjórnmálamaður

Alexander Elliot Anderson Salmond (fæddur 31. desember 1954; d. 12. október 2024) var skoskur stjórnmálamaður og fyrrverandi æðsti ráðherra Skotlands. Hann varð fjórði æðsti ráðherra Skotlands í maí 2007. Hann er fyrrverandi leiðtogi Skoska þjóðarflokksins og þingmaður fyrir kjördæmið Aberdeenshire East. Frá 1987 til 2010 var hann þingmaður fyrir kjördæmið Banff and Buchan í Breska þinginu. Hann var áður leiðtogi Skoska þjóðarflokksins frá september 1990 til september 2000 þegar hann sagði af sér.

Eftir að Skoska þingið var stofnað árið 1999 var hann kosinn þingmaður fyrir kjördæmið Banff and Buchan. Þá var hann þingmaður í bæði Breska þinginu og Skoska þinginu samtímis. Salmond sagði af sér sem leiðtogi árið 2000 og bauð sig ekki fram í skosku þingkosningunum. Hann hélt þó sætinu sínu í Breska þinginu í bresku þingkosningunum 2001. Hann var aftur kosinn í stöðu leiðtoga Skoska þjóðarflokksins árið 2004 og árið eftir hélt sætinu sínu fyrir Banff and Buchan í kosningunum 2005. Salmond var kosinn æðsti ráðherra Skotlands í Skoska þinginu þann 16. maí 2007.

Sem æðsti ráðherra var Salmond leiðtogi minnihlutaríkisstjórnar í Skotlandi frá 2007 til 2011, en eftir skosku kosningana 2011 hlaut ríkisstjórnin meirihluta atkvæðanna. Hann er einn helsti stuðningsmaður sjálfstæðis Skotlands og hefur kallað nokkrum sinnum á þjóðaratkvæðagreiðslu um málið. Hann fór í herferð um loftslagsbreytingar og sem æðsti ráðherra skuldbatt hann sig að innleiða reglugerð um að lækka mengun og að byggja upp endurnýjanlega orku í Skotlandi. Eftir ósigur í þjóðaratkvæðagreiðslunni um sjálfstæði Skotlands árið 2014 sagði Salmond af sér, en Nicola Sturgeon tók við af honum sem leiðtogi Skoska þjóðarflokksins og æðsti ráðherra Skotlands.

Tilvísanir

Fyrirrennari: Jack McConnell

Æðsti ráðherra Skotlands (16. maí 2007 – 19. nóvember 2014)

Eftirmaður: Nicola Sturgeon

  Þetta æviágrip sem tengist stjórnmálum er stubbur. Þú getur hjálpað til með því að bæta við greinina.