Skoska þingið

Úr Wikipediu, frjálsa alfræðiritinu
Jump to navigation Jump to search
Um skoska þingið sem var til fyrir myndun Bretlands, sjá skoska stéttaþingið.

Skoska þingið (gelíska: Pàrlamaid na h-Alba; skoska: Scottish Pairlament) er þing Skotlands sem fengið hefur völd sín frá breska þinginu Það hefur aðsetur í Holyrood í höfuðborginni Edinborg. Þingið er þekkt í daglegu tali sem Holyrood (sbr. Westminster) og er lýðræðisleg stofnun þar sem 129 þingmenn sitja. Þingmenn eru kosnir á fjögurra á fresti.

Fyrsta þing Skotlands var skoska stéttaþingið sem var löggjafarþing konungsríkisins Skotlands. Þetta þing var til allt frá 13. öld og þar til konungsríkið Skotland sameinaðist konungsríkinu Englandi með Sambandslögunum 1707 og til varð konungsríkið Stóra-Bretland. Þá var skoska stéttaþingið sameinað enska þinginu og úr varð Þing Stóra-Bretlands, sem situr í Westminsterborg í London.

Í þjóðaratkvæðagreiðslu árið 1997, ákváðu Skotar að hið núverandi skoska þing skyldi stofnað og var það gert með Skotlandslögunum 1998. Þessi lög kveða á um þau mál sem heyra undir stjórn Skotlands og þau mál sem eru áfram undir stjórn breska þingsins. Nánar tiltekið, öll mál sem ekki er sérstaklega tilgreint að séu á könnu breska þingsins heyra undir stjórn Skotlands. Breska þingið hefur þó áfram vald til að breyta málum sem skoska þingið hefur lögsögu yfir, ef svo ber undir. Fyrsti fundur skoska þingsins var haldinn þann 12. maí 1999.

Tengt efni[breyta | breyta frumkóða]