Samtökin '78
| Samtökin '78 | |
| Stofnað | 9. maí 1978 |
| Forseti | Álfur Birkir Bjarnason |
| Varaforseti | Bjarndís Helga Tómasdóttir |
| Heimilisfang | Suðurgata 3, 101 Reykjavík |
| Netfang | skrifstofa@samtokin78.is |
| Vefsíða | www.samtokin78.is |
Samtökin '78 eru baráttusamtök hinsegin fólks á Íslandi.
Saga[breyta | breyta frumkóða]
Samtökin '78 voru stofnuð þann 9.maí árið 1978 í Reykjavík. Hörður Torfason var meginaflið bakvið stofnun félagsins en hann boðaði sjálfur stofnfundinn í maí 1978. Að honum meðtöldum sátu alls 12 karlmenn stofnfund félagsins þ.á m. Heimir Guðmundsson, Þórhallur Tryggvason og Guðni Baldursson.[1] Guðni Baldursson var kjörinn fyrsti formaður Samtakanna '78 á fundinum og gegndi hann því embætti á árunum 1978–1986.[2]
Hagsmunafélög[breyta | breyta frumkóða]
Mörg önnur hinsegin félagasamtök eiga aðild að Samtökunum '78 og má þess vegna kalla félagið regnhlífarsamtök fyrir önnur félagasamtök sem tengjast hinsegin baráttu, menningu og starfi. Hagsmunafélögin eru 12 talsins og eru þau öll sjálfstætt starfandi.[3]
- Ásar á Íslandi
- BDSM á Íslandi
- Félag hinsegin foreldra
- Intersex Ísland
- Íþróttafélagið Styrmir
- HIN – Hinsegin Norðurland
- Hinsegin Austurland
- Hinsegin dagar – Reykjavík Pride
- Hinsegin kórinn
- Q – Félag hinsegin stúdenta
- Trans Ísland
- Trans vinir – Hagsmunasamtök foreldra og aðstandenda trans barna og ungmenna á Íslandi
Þjónusta og innra starf[breyta | breyta frumkóða]
Fræðsla[breyta | breyta frumkóða]
Samtökin '78 bjóða upp á jafningjafræðslu. Hinsegin fræðarar Samtakanna ’78, áður nefndir jafningjafræðarar, er hópur af þjálfuðum sjálfboðaliðum á aldrinum 16-30 ára. Þau heimsækja grunnskóla, framhaldsskóla, félagsmiðstöðvar og aðra sem vilja fá fræðslu frá ungu hinsegin fólki. Hinsegin fræðslan er um fjölbreytileika kyns, kynhneigða og kyneinkenna. Farið er yfir helstu hugtökin sem tengjast hinsegin heiminum, fjallað um hvernig er hægt að styðja við hinsegin fólk og skapa samfélag þar sem er pláss fyrir alla, og svo er fjallað um staðalmyndir. Í lokin er boðið upp á nafnlausar spurningar. Ekki er um kynfræðslu að ræða.
Fræðslufulltrúi Samtakanna ’78 veitir fræðslu til fagstétta, svo sem kennara, heilbrigðisstarfsfólks, og annarra. Fræðslan fjallar um helstu hugtök er tengjast hinsegin heiminum og hvernig er hægt að styðja við skjólstæðinga fagstéttana.[4]
Ráðgjöf[breyta | breyta frumkóða]
Samtökin '78 bjóða upp á ókeypis ráðgjöf fyrir hinsegin fólk og aðstandendur þess. Ráðgjafar félagsins eru allir fagmenntaðir og bjóða þeir m.a. upp á félagsráðgjöf, sálfræðiráðgjöf og lögfræðiráðgjöf.[5]
Formenn Samtakanna '78[breyta | breyta frumkóða]
Formenn samtakanna frá upphafi eru:
- Guðni Baldursson (1978-86)
- Þorvaldur Kristinsson (1986-1989)
- Lana Kolbrún Eddudóttir (1989-1990)
- Guðrún Gísladóttir (1990-1991)
- Þorvaldur Kristinsson (1991-1993)
- Lana Kolbrún Eddudóttir (1993-1994)
- Margrét Pála Ólafsdóttir (1994-1997)
- Percy Stefánsson (1997)
- Margrét Pála Ólafsdóttir (1997-1999)
- Matthías Matthíasson (1999-2000)
- Þorvaldur Kristinsson (2000-2005)
- Hrafnhildur Gunnarsdóttir (2005-2007)
- Frosti Jónsson (2007-2010)
- Svanfríður Lárusdóttir (2010-2011)
- Guðmundur Helgason (2011-2013)
- Anna Pála Sverrisdóttir (2013-2014)
- Hilmar Hildarson Magnúsarson (2014-2016)
- María Helga Guðmundsdóttir (2016-2019)
- Þorbjörg Þorvaldsdóttir (2019-2022)
- Álfur Birkir Bjarnason (2022-)
Tengt efni[breyta | breyta frumkóða]
- Samkynhneigð
- Tvíkynhneigð
- Pankynhneigð
- Eikynhneigð
- Kynhneigð
- Kynvitund
- Kyngervi
- Trans
- Intersex
- Kynsegin
- Guðni Baldursson fyrsti formaður Samtakanna 78
Tenglar[breyta | breyta frumkóða]
Tilvísanir[breyta | breyta frumkóða]
- ↑ Þóra Kristín Ásgeirsdóttir. „Þrjátíu Ára Stríðið“. Afmælisrit Samtakanna '78. Samtökin '78, 2008: 26-27. .
- ↑ https://gayiceland.is/2017/gudni-baldursson-memoriam/
- ↑ „Hagsmunafélög“. Samtökin '78 . Sótt 11. apríl 2019.
- ↑ „Um fræðsluna“. Samtökin '78 . Afrit af upprunalegu geymt þann 11. apríl 2019. Sótt 11. apríl 2019.
- ↑ „Um ráðgjöfina“. Samtökin '78 . Sótt 11. apríl 2019.