Hörður Torfason

Hörður Torfason
Fæddur	Hörður Torfason 4. september 1945 (1945-09-04)
Störf	Söngvaskáld, leikstjóri og leikari

Hörður Torfason (fæddur 4. september 1945) er íslenskt söngvaskáld. Hann er menntaður leikari frá Leiklistarskóla Þjóðleikhússins vorið 1970 starfað einnig sem leikstjóri frá 1971.

Hörður er mannréttindabaráttumaður og stofnandi og talsmaður Radda fólksins árið 2008 í kjölfar efnahagskreppunnar á Íslandi.

Hann var fyrstur á Íslandi til að koma opinberlega úr skápnum þá þjóðþekktur maður. Hann var meðal stofnanda Samtakanna '78.

Hörður hefur skrifað leikrit og ljóð, leikið fjölmörg hlutverk á sviði og nokkur í kvikmyndum, leikstýrt um 50 sviðsuppsetningum og hannað og smíðað leikmyndir við þær flestar. Sem hugmyndasmiður Búsáhaldabyltingarinnar og mannréttindabaráttumaður hefur hann farið víða um heim og haldið fyrirlestra.

Æviágrip

Hörður er sonur hjónanna Torfa Benediktssonar og Önnu Kristinsdóttur. Hann er næstelstur sex systkina.

Með fyrstu plötu sinni sem hann tók upp sumarið 1970 Hörður Torfason syngur eigin lög hafði hann mikil áhrif á íslenska tónlist. Hörður hefur oft verið nefndur "Þjóðleikhús landsbyggðarinnar" því áratugum saman ferðaðist hann hringinn í kringum landið að minnsta kosti einu sinni á hverju ári með tónleika. Hörður hefur sent frá sér yfir 20 plötur.

Haustið 2008 kom út ævisaga hans Tabú en hún er skrifuð af Ævari Erni Jósepssyni. Í október 2018 kom út bókin hans Bylting.

Tengt efni

• Hörður Torfason - Án þín
• Hörður Torfason syngur eigin lög
• Mótmælin á Íslandi í kjölfar efnahagskreppunnar 2008
• Raddir fólksins

Tenglar

• Hörður Torfa; af Tónlist.is
• Forvitnari en fjandinn; grein í Morgunblaðinu 1988
• Hörður Torfason: „ólaunað og sjálfsprottið“ starf; af Mbl.is 10.03.2009
• Hörður Torfason mótmælir við Dómsmálaráðuneytið; af Dv.is 14.08.2008 Geymt 4 mars 2016 í Wayback Machine
• Umfjöllun á Glatkistunni

  Þessi æviágripsgrein er stubbur. Þú getur hjálpað til með því að bæta við greinina.