Guðni Baldursson

Úr Wikipediu, frjálsa alfræðiritinu
Jump to navigation Jump to search

Guðni Baldursson (4. mars 19507. júlí 2017[1]) var fyrsti formaður Samtakanna ’78. Hann gengdi því hlutverki á árunum 1978-1986.

Guðni átti stóran þátt í lagalegum betrumbótum á réttindum hinsegin fólks á Íslandi.[2]

Ævi[breyta | breyta frumkóða]

Guðni fæddist í Reykjavík þann 4. mars árið 1950. Foreldrar hans voru Baldur Aspar prentari og Þóra Guðnadóttir móttökuritari. Guðni lauk stúdentsprófi frá Menntaskólanum við Hamrahlíð árið 1970 og námi í viðskiptafræði frá Háskóla Íslands árið 1976. Hann starfaði fyrir Hagstofuna og síðar Þjóðskrá Íslands í hátt í 40 ár.[3]

Guðni var á meðal stofnfélaga Samtakanna '78 og var fyrsti formaður samtakanna. Hann var einnig stofnfélagi í Alnæmissamtökunum (síðar HIV Ísland) og sat í stjórn þess félags í rúm 30 ár. Hann var einnig fyrsti opinberlega samkynhneigði Íslendingurinn til þess að bjóða sig fram í Alþingiskosningum en hann tók sæti á lista Bandalags jafnaðarmanna vegna alþingiskosninganna árið 1983. Guðni lagði áherslu á að framboð hans væri ekki vegna persónulegs metnaðar heldur hluti af baráttu samkynhneigðra fyrir sýnileika og jafnrétti. Til að undirstrika það var ósk Guðna sú að hann yrði ekki titlaður viðskiptafræðingur á framboðslistanum heldur formaður Samtakanna '78.[4]

Lífsförunautur hans, Helgi Viðar Magnússon dó árið 2003 en þeir hófu sambúð árið 1979.[3]

Tilvísanir[breyta | breyta frumkóða]

  1. „Guðna minnst með þakklæti“. mbl.is. 20. júlí 2017. Sótt 11. apríl 2019.
  2. Benónýsdóttir, Friðrika. „Guðni Baldursson – In Memoriam – GayIceland“ (enska). Sótt 11. apríl 2019.
  3. 3,0 3,1 Mbl.is, „Guðni Baldursson“ (skoðað 30. september 2019)
  4. Hiv-ísland.is, „Minning: Guðni Baldursson“ (skoðað 30. september 2019)